ايماقتار • 04 تامىز، 2021

جاڭا قاۋلى: اقتوبەدە كارانتين كۇشەيتىلدى

36 رەت كورسەتىلدى

اقتوبەدە كارانتين شەكتەۋى كۇشەيتىلىپ، بازارلاردىڭ جۇمىس كەستەسى قىسقاردى، دەپ حابارلايدى Egemen.kz.

سونىمەن بىرگە Ashyq جوباسىنا قاتىساتىن بىرنەشە كاسىپكەرلىك سۋبەكتىسىنىڭ جۇمىسى ۋاقىتى شەكتەلدى.

اقتوبە وبلىسىنىڭ تۇرعىندارى اراسىندا كوروناۆيرۋستىق ينفەكتسيانىڭ تارالۋىنا جول بەرمەۋ ماقساتىندا كارانتين شەكتەۋى تاعى كۇشەيتىلدى.

بانكەت زالدارى (مەيرامحانالار جانە ءدامحانا ءتيپى بويىنشا كەلۋشىلەرگە قىزمەت كورسەتۋ)، وبلىسارالىق جانە قالالىق تۇراقتى ەمەس تاسىمالداردىڭ قوزعالىسىنا، مارافوندارعا (اشىق اۋادا) تىيىم سالىنادى. بۇل نىساندار «Ashyq» جوباسىنا قاتىسسا دا، جۇمىس ىستەي المايدى.

سونىمەن بىرگە اشىق بازارلار (ازىق-ت ۇلىك، مال، ازىق-ت ۇلىك ەمەس)، جابىق بازارلار (ازىق-ت ۇلىك جانە ازىق-ت ۇلىك ەمەس) جۇمىس كۇندەرى ساعات 16:00-گە دەيىن قىزمەت كورسەتەدى.

ال Ashyq جوباسىن ەنگىزگەندەر 17:00-گە دەيىن جۇمىس ىستەيدى.

«بانكتەر، حقكو، «قازپوچتا» اق بولىمشەلەرىنە ساعات 09:00-دەن 18:00-گە دەيىن جۇمىس ىستەۋگە رۇقسات ەتىلەدى. «Ashyq» جوباسىنا سايكەس حقكو-لار ساعات 10:00-دەن 20:00-گە دەيىن جۇمىس ىستەي الادى. مەيرامحانا، ءدامحانا جانە كوفەحانا ءتيپى بويىنشا قوعامدىق تاماقتانۋ وبەكتىلەرى جۇمىس كۇندەرى ساعات 09:0 0-دەن 18.00-گە دەيىن، «Ashyq» جوباسىنا قاتىساتىن وبەكتىلەرگە جۇمىس كۇندەرى ساعات 07:00-دەن 20:00-گە دەيىن جۇمىس ىستەۋىنە رۇقسات ەتىلەدى»، دەپ جازىلعان وبلىستىق سانيتاريالىق-ەپيدەميولوگيالىق باقىلاۋ دەپارتامەنتىنىڭ باسشىسى نۇرسۇلۋ بەركىمباەۆا قول قويعان قاۋلىدا.

ايتا كەتەيىك، سەنبى جانە جەكسەنبى كۇندەرى اشىق بازارلار (ازىق-ت ۇلىك، مال، ازىق-ت ۇلىك ەمەس)، جابىق بازارلار (ازىق-ت ۇلىك جانە ازىق-ت ۇلىك ەمەس)، بانكتەر، حقكو، «قازپوچتا» اق بولىمشەلەرى، مەيرامحانا، ءدامحانا جانە كوفەحانا ءتيپى بويىنشا قوعامدىق تاماقتانۋ وبەكتىلەرى، جازعى الاڭدار، اسحانا ءتيپتى قوعامدىق تاماقتانۋ وبەكتىلەرى، سوو، ساۋدا ۇيلەرى، ساۋدا جەلىلەرى، مونشا، ساۋنا، سپا-ورتالىقتار، باسسەين، جابىق سپورت وبەكتىلەرى (سپورت كەشەندەرى، سپورت مەكتەپتەرى، سپورت كلۋبتارى، جاتتىعۋ زالدارى)، سپورتتىق-ساۋىقتىرۋ ورتالىقتارى جانە فيتنەس كلۋبى، سونىڭ ىشىندە يوگا ورتالىقتارى جۇمىس ىستەمەيدى.

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • بۇگىن، 22:48

ۇقساس جاڭالىقتار