ەكونوميكا • 04 تامىز، 2021

قازاقستاننىڭ نەسيەلىك رەيتينگى تۇراقتى

22 رەت كورسەتىلدى

اكرا قازاقستان رەسپۋبليكاسى ۇكىمەتىنىڭ شەتەلدىك جانە ۇلتتىق ۆاليۋتاداعى ۇزاق مەرزىمدى كرەديتتىك رەيتينگىن ۆۆۆ + دەڭگەيىندە راستادى. بۇل تۋرالى primeminister.kz حابارلادى، دەپ جازادى Egemen.kz.

ۇزاق مەرزىمدى كرەديتتىك رەيتينگ بويىنشا قازاقستانداعى بولجام – «تۇراقتى». ول ەڭ جوعارى ىقتيمالدىق ۇلەسىمەن 12-18 اي ارالىعىندا رەيتينگتىڭ وزگەرمەيتىنىن بولجايدى.

اكرا جاڭارتىلعان ەسەبىنە سايكەس، باعالاۋ تۇراقتىلىعىنىڭ فاكتورىندا اعىمداعى جىلدا ەكونوميكانىڭ ءوسۋ قارقىنى، ۇلتتىق ەكونوميكاعا تىكەلەي شەتەلدىك ينۆەستيتسيا تارتۋ، مەملەكەتتىك بورىشتىڭ تومەن دەڭگەيى، ەلەۋلى ۇلتتىق رەزەرۆتەرمەن نىعايتىلعان ورنىقتى سىرتقى ۇستانىم ەسكەرىلدى.

اكرا 2021 جىلى ەكونوميكالىق ءوسۋدىڭ 3،9%-عا دەيىن قالپىنا كەلۋىن كۇتەدى.

اكرا باعالاۋى بويىنشا، ەل ەكونوميكاسىنىڭ ءوسۋ الەۋەتى جوعارى جانە جىلىنا شامامەن 4-4،5% قۇرايدى.

سونىمەن قاتار، تۇراقتىلىق فاكتورى رەتىندە قوعامدىق، مەملەكەتتىك ينستيتۋتتار ساپاسىنداعى وڭ ديناميكا، ادامي كاپيتالدى تۇراقتى ارتتىرۋ قارالادى. دۇنيەجۇزىلىك بانك پەن بۇۇ-نىڭ سوڭعى باعالاۋىنا سايكەس، قازاقستاننىڭ ادامي كاپيتال يندەكسى ورتالىق ازيا ەلدەرى بويىنشا ورتاشا دەڭگەيدەن اسىپ تۇسەدى جانە ساناتى بويىنشا سالىستىرمالى ەلدەر توبى رەيتينگىنىڭ شەڭبەرىندە نەعۇرلىم جوعارى تۇر.

ايتا كەتەيىك، اكرا ماسكەۋدە 2015 جىلدىڭ 20 قاراشاسىندا رەسەي بانكىنىڭ شەشىمىمەن قۇرىلدى. قۇرامىندا «رايففايزەنبانك»، «سبەربانك»، «الفا-بانك»، «گازپرومبانك»، «موسكوۆسكايا بيرجا ممۆب-رتس» سىندى 27 رەسەيلىك كومپانيا مەن قارجى ينستيتۋتتارى بار. 

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • بۇگىن، 22:48

ۇقساس جاڭالىقتار