دەپۋتات ينفراقۇرىلىم جوبالارىنىڭ جۇزەگە اسۋى, اتاپ ايتقاندا, كارىز جەلىلەرى مەن تازارتۋ قۇرىلعىلارىنىڭ, سونداي-اق 50 پاتەرلى تۇرعىن ءۇي قۇرىلىسىنىڭ بارىسىمەن تانىستى.
ەرىك سۇلتانوۆ «ەڭبەك» مەملەكەتتىك باعدارلاماسى اياسىندا ەلىمىزدىڭ وڭتۇستىك وڭىرلەرىنەن كوشىپ كەلگەن قونىس اۋدارۋشىلارمەن دە كەزدەستى. سەناتور بىرنەشە ماڭىزدى مىندەتتى, ونىڭ ىشىندە ەلدىڭ سولتۇستىك وبلىستارىنداعى ەڭبەك رەسۋرستارىنىڭ تاپشىلىعى پروبلەماسىن شەشۋگە مۇمكىندىك بەرەتىن وسى مەملەكەتتىك باعدارلامانى ىسكە اسىرۋدىڭ ماڭىزىن اتاپ ءوتتى. سونىمەن قاتار ەلىمىزدىڭ باسشىلىعى قازىر قونىس اۋدارۋشىلارعا لايىقتى جاعداي جاساۋعا باسا نازار اۋدارىپ وتىرعانىن جانە سەناتورلار بۇل ماسەلەنى باقىلاۋدا ۇستايتىنىن جەتكىزدى.
ەرىك سۇلتانوۆ اۋىل ەڭبەككەرلەرىمەن اۋىل شارۋاشىلىعى ونىمدەرىنە باعا بەلگىلەۋ ماسەلەلەرىن دە تالقىلادى. ايىرتاۋ اۋدانىنداعى جەرگىلىكتى ءسۇت وڭدەۋ كاسىپورنىندا وتكەن فەرمەرلەرمەن كەزدەسۋ بارىسىندا سەناتور بارلىق وڭىردە جەرگىلىكتى ءونىمدى وتكىزۋ نارىعىن كەڭەيتۋدىڭ ماڭىزدى ەكەنىنە توقتالدى.
«اۋدان تۇرعىندارىنان قابىلداناتىن ءسۇت لايىقتى باعامەن ساتىپ الىنۋعا ءتيىس. اۋداننىڭ بارلىق ساۋدا ورنىن جەرگىلىكتى ءسۇت ونىمدەرىمەن قامتۋ قاجەت», دەدى سەناتور.
دەپۋتات سونداي-اق اۋا تىرەگى تەحنولوگياسى بويىنشا سالىنىپ جاتقان وبلىستاعى جالعىز كوپفۋنكتسيالى سپورت كەشەنى قۇرىلىسىنىڭ بارىسىمەن دە تانىستى. سەنات دەپۋتاتى قۇرىلىس الاڭىن قاراپ شىعىپ, قاراجاتتىڭ جۇمسالۋىن قاتاڭ باقىلاۋ قاجەتتىگىنە, سونداي-اق سپورت نىسانىنىڭ ۋاقتىلى ىسكە قوسىلۋىن قامتاماسىز ەتۋگە نازار اۋداردى.
