ايماقتار • 03 تامىز، 2021

رەسەيدەن كەلگەن 54 قازاقستاندىقتان كوروناۆيرۋس انىقتالدى

188 رەت كورسەتىلدى

اتىراۋ وبلىسىنىڭ اۋماعىنا بىلتىرعى قازاننان بەرى رەسەيدەن كەلگەن 54 قازاقستاندىقتان كوروناۆيرۋس ينفەكتسياسىنىڭ بەلگىسى انىقتالدى، دەپ حابارلايدى Egemen.kz.

وبلىستىق سانيتاريالىق-ەپيدەميولوگيالىق باقىلاۋ دەپارتامەنتى ءباسپاسوز قىزمەتىنىڭ مالىمەتىنشە، 27 شىلدەدە اتىراۋ – استراحان وبلىستارىنىڭ مەملەكەتتىك شەكاراسىنداعى «قۇرمانعازى» اۆتووتكەلى ارقىلى 216 ادام وتكەن. ونىڭ ىشىندە 32 جولاۋشى مەن حالىقارالىق جۇك تاسىمالدايتىن 184 جۇرگىزۋشى بار.

«مەملەكەتكە شەكارادان وتۋگە انىقتاماسىز كەلگەن قازاقستان رەسپۋبليكاسىنىڭ 6 ازاماتىنان الىنعان كوروناۆيرۋس ينفەكتسياسىنا قارسى پتر-تەست  زەرتتەۋى تەرىس ناتيجە كورسەتتى. ال، بىلتىرعى 6 قازاننان بەرى اتىراۋ وبلىسىنا 56 996  ادام، ونىڭ ىشىندە 8 577 جاياۋ جۇرگىنشى، 48 419 جۇرگىزۋشى كەلگەن. وبلىس اۋماعىنا كىرۋگە انىقتاماسىز كەلگەن 355 شەتەل ازاماتىنا تىيىم سالىندى. سونداي-اق قازاقستاننىڭ 4 757 ازاماتىنا پتر-تەستىلەۋ جۇرگىزىلدى. ونىڭ ىشىندە 54 ازاماتتان (49 جۇرگىزۋشى، 5 جولاۋشى) COVID-19-دىڭ بەلگىسى تابىلدى»، دەپ حابارلادى دەپارتامەنتتىڭ ءباسپاسوز قىزمەتى.

سوڭعى جاڭالىقتار

الماتىدا باقىلاۋ كۇشەيتىلدى

كوروناۆيرۋس • كەشە

تىلىكسىز وتا جاسالدى

مەديتسينا • كەشە

ۇقساس جاڭالىقتار