قوعام • 03 تامىز، 2021

وڭالتۋ قۇرالدارىن ونلاين الدىردى

11 رەت كورسەتىلدى

جىل باسىنان بەرى الەۋمەتتىك قىزمەتتەر پورتالى ارقىلى مۇگەدەكتىگى بار 16 مىڭنان اسا ادام مەديتسينالىق-الەۋمەتتىك كورسەتكىشتەر مەن قارسى كورسەتكىشتەرگە سايكەس ازىرلەنگەن وڭالتۋدىڭ جەكە باعدارلامالارى نەگىزىندە پروتەزدىك-ورتوپەديالىق كومەك قىزمەتىن الدى.

بۇل قىزمەتتەرگە پروتەز، ءجۇرىس ارباسى، تاياق، بالداق، ورتوپەديالىق اياقكيىم، بانداج، كورسەت، تۋتور، رەكليناتور، باسۇستاعىش، سۋپيناتور، ەمدەۋ بەلدىكتەرى، بالالارعا ارنالعان پروفيلاكتيكالىق شالبار جانە باسقا دا قۇرالمەن قامتاماسىز ەتۋ جاتادى.

پورتال مۇگەدەكتىگى بار ادامدارعا ءوندىرۋشى مەن تاۋاردى ءوز بەتىنشە تاڭداۋعا مۇمكىندىك بەرەدى. كومەك تۇرىنە تاپسىرىس بەرۋ كورسەتىلەتىن قىز­مەتتى الۋشىنىڭ ەلەكتروندى تسيفر­لى قولتاڭباسىمەن راستاۋ ار­قىلى جۇزەگە اسىرىلادى. تاپ­سى­رىس­تى جەتكىزىپ بەرۋگە دە بولادى نەمەسە تاپسىرىس بەرۋشى ءوزى الىپ كەتە الادى.

پورتالدا پروتەزدىك-ورتوپەديالىق قىزمەت كورسەتۋدەن باسقا سۋردو­تەح­ني­كالىق، تيفلوتەحنيكالىق جانە گي­گيە­نا­لىق قۇرالدار، سونداي-اق كرەسلو-اربالار الۋعا ءوتىنىم راسىمدەۋگە بولادى.

وسى جىلدىڭ باسىنان بەرى الەۋ­مەت­تىك قىزمەتتەر پورتالى ار­قى­لى مۇگەدەكتىگى بار 113 مىڭنان اسا ادام وڭالتۋدىڭ تەحنيكالىق قۇ­رال­دارىن، 6 مىڭنان اسا ادام ىمداۋ ءتىلى قىزمەتىن، 31 مىڭنان اسا ادام جەكە كومەكشىنىڭ قىزمەتىن الىپ، 36 مىڭعا جۋىق ازامات ساناتورلىق-كۋ­رورت­تىق ەمدەلدى جانە 122 مىڭنان اسا ادام كەپىلدىك بەرىلگەن الەۋمەتتىك توپتاماعا تاپسىرىستار راسىمدەدى.

بۇگىندە پورتالدا ارنايى الەۋ­مەت­تىك قىزمەتتەر كورسەتەتىن 859 مە­دي­تسينالىق-الەۋمەتتىك مەكەمە، 127 وتق جەتكىزۋشىسى، 13 مىڭنان اسا جەكە كومەكشى قىزمەتىن، 250 ىمداۋ ءتىلىن، 66 ساناتورلىق-كۋرورتتىق ەمدەۋدى، 135 كەپىلدەندىرىلگەن الەۋمەتتىك توپتاما بويىنشا ءونىم بەرۋشى تىركەلگەن.

وتكەن جىلدىڭ 29 جەلتوقسانىنان باستاپ ەلەكتروندى ۇكىمەت ارقىلى (eGov.kz) مۇگەدەكتىگى بار ادامدارعا ەڭبەك جانە حالىقتى الەۋمەتتىك قورعاۋ مينيسترلىگىنىڭ مەملەكەتتىك قىزمەتتەرىن كورسەتۋگە ەلەكتروندى ءوتىنىم بەرۋ مۇمكىندىگى ىسكە اسىرىلدى. وسى كەزەڭدە ەلەكتروندى ۇكىمەت پورتالى ارقىلى وڭالتۋ قۇرال­دارىمەن جانە قىزمەتتەرىمەن قامتاماسىز ەتۋگە 110،5 مىڭنان اسا قۇجات راسىمدەلدى.

«الەۋمەتتىك قىزمەتتەر پورتالى» اۆتوماتتاندىرىلعان اقپاراتتىق جۇ­يە­سىن ەنگىزۋ مۇگەدەكتىگى بار ادام­دار­دىڭ قۇقىعىن قامتاماسىز ەتۋ جانە ءومىر ءسۇرۋ ساپاسىن جاقسارتۋ جو­نىندەگى ۇلتتىق جوسپار شەڭبەرىندە قاراس­تىرىلعان. پورتالدى پايدالانۋ بويىنشا كەڭەستى قولداۋدىڭ بايلانىس-ورتالىعىنان الۋعا بولادى، وعان ءتىلدى تاڭداپ جانە 4 ساندى باسىپ،1414 بىرىڭعاي ءنومىرى ارقىلى حابارلاسۋ كەرەك.

 

سوڭعى جاڭالىقتار

قانشا ادام ۆاكتسينا سالدىردى؟

كوروناۆيرۋس • بۇگىن، 09:16

ۇقساس جاڭالىقتار