قوعام • 03 تامىز، 2021

كىسى ەڭبەگىن ەلەمەۋ – قيانات

24 رەت كورسەتىلدى

«قىزىل ايماقتىڭ» قۇرساۋىنان شىعا الماي وتىرعان ءوڭىر ادامدارى ءۇشىن ءار تيىن ەسەپتە. جان باعىپ وتىرعان جالاقىلارى ۋاقتىلى قولدارىنا تيمەگەننەن كەيىن ورىندى وكپە-نازدىڭ تۋىنداي بەرەتىنى بار.

جىل باسىنان بەرى وبلىس­تاعى 65 كاسىپورىن ءوز جۇ­مىس­شىلارىنا ءتيىستى ەڭ­بەك­­اقىلارىن ۋاقتىلى تولە­مەگەن. وسىنداي جاۋاپ­سىز­دىق­تىڭ سالدارىنان 300-گە جۋىق ادامعا 83 ملن تەڭگە توڭىرەگىندە جالاقى قارىزى جيناقتالىپ قالعان. ەڭبەك شارت­تارىنىڭ مۇنداي ورەسكەل بۇزىلۋ دەرەكتەرى سوڭعى كەزدە كوپ ورىن الىپ وتىر.

– جۇمىسشىلاردىڭ قۇ­قى­عىن قورعاۋعا باعىت­تال­عان ناقتىلى ءىس-شارالاردىڭ نا­تي­جەسىندە قوردالانىپ قال­عان ەڭبەكاقى تولەندى. 65 زاڭ­دى تۇلعاعا 6،2 ملن تەڭگە ايىپ­پۇل سالىندى. بۇل ارادا قارىزى تىم كوپ كاسىپورىندار دا بار. ماسەلەن، ەرەيمەنتاۋ اۋدانىنداعى بانكروتقا ۇشى­را­عان «مەتاللون» سەرىك­تەس­تىگى 13 جۇمىسشىسىنا 23،9 ملن تەڭگە بەرەشەك بولعان، – دەيدى Yntymaq سالالىق كاسىپوداعى وبلىستىق فيليالى توراعاسىنىڭ ورىنباسارى بولات جۇپىنوۆ.

مامانداردىڭ ايتۋىنا قاراعاندا، ماسەلەنىڭ بىلاي وربۋىنە شالعايداعى شاعىن اۋىلداردا جۇمىس ورنىنىڭ از بولۋى اسەر ەتەدى ەكەن. ايتالىق، جۇمىس بەرۋشى جۇ­مىسشىنى كەز كەلگەن تالابىنا كوندىرە الادى. ويتكەنى شىعارىپ جىبەرسە، باسقا بارار جەرى جوق. امال جوق، جا­لا­قىسى ۋاقتىلى قولىنا تيمەسە دە، وزىنە تاپسىرىلعان ءىستى اتقارۋعا ءماجبۇر.

جۇمىس بەرۋشىلەر قازىر ەكو­نو­ميكالىق داعدارىس ورىن الىپ وتىر دەگەن جەلەۋدى ۇنەمى العا تارتادى. ءدال وسىنداي سەبەپپەن بۇرىن جاسالعان كەلىسىمشارتتاردى بۇزىپ، ءوز ىڭعايىنا قاراي وزگەرتۋلەرى دە ءجيى. ال جۇمىسشىلار بولسا، ابدەن كوڭىلى قالعان سوڭ وڭىردەن كوشىپ كەتۋگە ءماجبۇر. اينالىپ كەلگەن كەسىرى كادر جەتىسپەۋشىلىگىنە نەمەسە ءوندىرىس جۇمىسىنىڭ ىركىلۋىنە اكەلىپ تىرەيدى.

مەملەكەت دامۋىنىڭ ال­عى­شارتى الدىمەن ادامي كا­پي­تالدا ەكەنى الميساقتان بەل­­گىلى. ادامي كاپيتالدى د­ا­مىتۋعا قارجى بولمەك تۇ­گى­لى جۇمىسىن ادال اتقارعان جۇ­مىسشىنىڭ تابان اقى، ماڭ­داي تەرىنىڭ وتەلمەۋى وكىنىشتى. تۇپتەپ كەلگەندە، كىسى ەڭبەگىنە قيانات جاساۋ كورىنىسى ازايماي تۇر.

 

اقمولا وبلىسى

 

سوڭعى جاڭالىقتار

قانشا ادام ۆاكتسينا سالدىردى؟

كوروناۆيرۋس • بۇگىن، 09:16

ۇقساس جاڭالىقتار