قوعام • 02 تامىز، 2021

سەرىك شاپكەنوۆ ادام ساۋداسىمەن كۇرەس تۋرالى مەموراندۋمعا قول قويدى

29 رەت كورسەتىلدى

قر ەڭبەك جانە حالىقتى الەۋمەتتىك قورعاۋ ءمينيسترى سەرىك شاپكەنوۆ پەن حالىقارالىق كوشى-قون ۇيىمىنىڭ قازاقستانداعى وكىلدىگى باسشىسى، ورتا ازياداعى حكۇ ۇيلەستىرۋشىسى زەينال گادجيەۆ ەڭبەك كوشى-قونى جانە ادام ساۋداسىنا قارسى كۇرەس ماسەلەلەرى جونىندەگى ىنتىماقتاستىق تۋرالى مەموراندۋمعا قول قويدى، دەپ جازادى Egemen.kz.

قۇجاتقا تاراپتار ونلاين كەلىسسوز بارىسىندا قول قويدى. بۇل تۋرالى ۆەدومستۆونىڭ ءباسپاسوز قىزمەتى حابارلادى. 

«قر ەڭبەك جانە حالىقتى الەۋمەتتىك قورعاۋ مينيسترلىگى اتىنان سىزدەرگە ىزەت تانىتىپ، 30 شىلدەدە اتاپ وتىلەتىن دۇنيەجۇزىلىك ادام ساۋداسىنا قارسى كۇرەس كۇنىمەن قۇتتىقتاۋعا رۇقسات ەتىڭىزدەر. قازاقستاننىڭ حالىقارالىق كوشى-قون ۇيىمىمەن قارىم-قاتىناسى سىندارلى جانە ءوزارا ءتيىمدى ىنتىماقتاستىق ارناسىندا دامىپ كەلە جاتقانىن اتاپ وتكەن ءجون. مينيسترلىك حالىقارالىق كوشى-قون ۇيىمىمەن ءوزارا ءىس-قيمىلدى نىعايتۋعا ەرەكشە ءمان بەرەدى»، دەدى كەلىسسوزدەر بارىسىن اشقان سەرىك شاپكەنوۆ.

ەڭبەكمينىنىڭ باسشىسى ءوز سوزىندە مۇددەلى مەملەكەتتىك ورىنداردىڭ ادام ساۋداسىنا قارسى ءىس-قيمىل جونىندەگى ءوزارا ءىس-قيمىلىن ۇيلەستىرۋ ءۇشىن قازاقستاندا قۇرامىنا حكۇ وكىلدەرى كىرەتىن ءتيىستى ۆەدومستۆوارالىق كوميسسيا جۇمىس ىستەيتىنىن اتاپ ءوتتى.

«اعىمداعى جىلعى 24 اقپاندا ۇكىمەت ادام ساۋداسىنا بايلانىستى قىلمىستىڭ الدىن الۋ، بولدىرماۋ جانە وعان قارسى كۇرەس جونىندەگى 2021-2023 جىلدارعا ارنالعان ءىس-شارالار جوسپارىن بەكىتتى. وسى جوسپاردىڭ ءبىر تارماعىن ىسكە اسىرۋ شەڭبەرىندە «قازاقستان رەسپۋبليكاسىندا ادام ساۋداسىنا قارسى ءىس-قيمىل تۋرالى» زاڭ جوباسىن ازىرلەۋ تۋرالى ماسەلە قارالۋدا. بۇدان باسقا، قازاقستان رەسپۋبليكاسىنىڭ الەۋمەتتىك كودەكسى تۇجىرىمداماسىنىڭ جوباسىنا ادام ساۋداسىنىڭ قۇرباندارىنا ارناۋلى الەۋمەتتىك قىزمەت كورسەتۋدى كوزدەيتىن باپ ەنگىزىلگەن»، دەپ حابارلادى سەرىك شاپكەنوۆ.

سونىمەن قاتار ول كوشى-قون سالاسىنداعى، اتاپ ايتقاندا قازاقستان رەسپۋبليكاسىنىڭ كوشى-قون ساياساتىنىڭ 2022-2026 جىلدارعا ارنالعان تۇجىرىمداماسىنىڭ جوباسىن ازىرلەۋدەگى ىنتىماقتاستىعى ءۇشىن حكۇ تاراپىنا العىسىن ءبىلدىردى.  

«اعىمداعى جىلعى 19 شىلدەدە مەملەكەت باسشىسى «قازاقستان رەسپۋبليكاسىنىڭ مەملەكەتتىك باسقارۋ جۇيەسىن ودان ءارى جەتىلدىرۋ جونىندەگى شارالار تۋرالى» جارلىققا قول قويدى، ونىڭ شەڭبەرىندە 2022 جىلعى 1 قاڭتاردان باستاپ ەڭبەك جانە حالىقتى الەۋمەتتىك قورعاۋ مينيسترلىگىنە ىشكى ىستەر مينيسترلىگىنىڭ  حالىقتىڭ كوشى-قونى سالاسىنداعى، سونداي-اق بوسقىندار ماسەلەلەرى جونىندەگى 22 فۋنكتسياسى مەن وكىلەتتىگىن بەرۋ كوزدەلگەن. وسى جارلىقتى ىسكە اسىرۋ ماقساتىندا مينيسترلىك جانىنان كوشى-قون سالاسىنداعى جەكە كوميتەت قۇرۋ جايى قارالۋدا»، دەپ قوستى ول.

ەڭبەكمينى باسشىسى ءوز ءسوزىنىڭ سوڭىندا حالىقارالىق شارتتار جاساسۋدىڭ 2021 جىلعا ارنالعان  جوسپارىنا قر ۇكىمەتى مەن حالىقارالىق كوشى-قون ۇيىمى اراسىنداعى ىنتىماقتاستىق تۋرالى جاڭا كەلىسىم ەنگىزىلگەنىن حابارلادى.

قازىرگى ۋاقىتتا كەلىسىم جوباسى مەملەكەتتىك ورگانداردا قارالىپ جاتىر.

ءوز كەزەگىندە زەينال گادجيەۆ قر ۇكىمەتىنە ىنتىماقتاستىق ءۇشىن العىسىن ءبىلدىردى، سونداي-اق حكۇ تاراپىنان قازاقستانعا كوشى-قون جانە ادام ساۋداسىنا قارسى ءىس-قيمىل ماسەلەلەرىن شەشۋدە الداعى ۋاقىتتا دا قاجەتتى كومەك كورسەتۋگە دايىن ەكەنىن ءبىلدىردى

مەموراندۋم اقپارات الماسۋدى; ەڭبەك كوشى-قونى جانە ادام ساۋداسىنا قارسى كۇرەس سالالارىندا ءتۇرلى ءىس-شارالار وتكىزۋدى; كوشى-قون ساياساتىنىڭ ستراتەگياسىن قالىپتاستىرۋ ماسەلەلەرى بويىنشا كەڭەسۋدى; ءوزارا قىزىعۋشىلىق تۋدىراتىن ماسەلەلەر بويىنشا عىلىمي زەرتتەۋلەر جۇرگىزۋدى كوزدەيدى.

ءتيىستى مەموراندۋم حالىقارالىق شارت ەمەس جانە تاراپتاردىڭ ەشقايسىسى ءۇشىن قانداي دا ءبىر قۇقىقتىق جانە قارجىلىق مىندەتتەمەلەر جۇكتەمەيدى.

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • بۇگىن، 22:48

ۇقساس جاڭالىقتار