ايماقتار • 02 تامىز، 2021

الماتىدا ىندەت جۇقتىرعان 240 بالا اۋرۋحانالارعا ءتۇستى

27 رەت كورسەتىلدى

الماتىدا ىندەت جۇقتىرعان 240 بالا اۋرۋحانالارعا ءتۇستى، دەپ حابارلايدى Egemen.kz.

بۇگىن، ياعني 2 تامىزدا الماتى قالاسى قوعامدىق دەنساۋلىق باسقارماسى تاراتقان مالىمەتتەر تومەندەگىدەي.

مەگاپوليستە سوڭعى تاۋلىكتە كوروناۆيرۋستىق ينفەكتسيانىڭ 1540 جاڭا جاعدايى تىركەلدى (جەرگىلىكتى)، ونىڭ 1404 سيمپتومدىق بەلگىلەرى بار جانە 136 سيمپتومسىز. اۋرۋحانالاردان ەمدەلىپ شىققاندار سانى – 198 بولسا، ەسەسىنە، كەلىپ تۇسكەنى – 439 ادام.

ينفەكتسيالىق ستاتسيونارلاردا (7 045 توسەك-ورىن) جالپى سانى 4 930 ادام، ونىڭ ىشىندە 240 بالا ەمدەلىپ جاتىر. جالپى رەانيماتسيا جانە قارقىندى تەراپيا بولىمشەلەرىندە 310 ناۋقاس جاتىر.

بۇگىنگى تاڭدا بمسك مەن تەلەمەديتسينا ورتالىعى دارىگەرلەرىنىڭ باقىلاۋىندا 10 070 ناۋقاس باقىلاۋدا، ولاردىڭ ىشىندە جەڭىل جانە ورتاشا اۋىرلىق دارەجەسىندە 9564، سيمپتومسىز 506 ناۋقاس بار ەكەندىگىن ايتا كەتۋ كەرەك.

الماتى قالاسى بويىنشا 1 تامىزدا  4 971 ادام ۆاكتسينا الدى.

اقپان ايىنان بەرى قالا بويىنشا 1-كومپونەنتتى 725 575 ادام ۆاكتسيناتسيالانعان.  ۆاكتسينا العانداردىڭ ىشىندە 60 جاستان اسقان قارت كىسىلەر  سانى 99 587-گە جەتتى.

ايناش ەسالى،

«Egemen Qazaqstan» 

الماتى

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار