ونەر • 02 تامىز، 2021

قاسىم حان تۋرالى ءفيلمنىڭ ءتۇسىرىلىم اياقتالدى

68 رەت كورسەتىلدى

الماتى وبلىسىندا اقان ساتاەۆتىڭ اۋقىمدى ءارى كوپتەن كۇتكەن جوباسى - « ۇلى دالا تاڭى» ءفيلمىنىڭ ءتۇسىرىلىمى اياقتالدى، دەپ حابارلايدى Egemen.kz.

بۇل تۋرالى «قازاقفيلم» كينوستۋدياسىنىڭ وكىلدەرى مالىمدەدى.

«دوستار، ءبىز « ۇلى دالا تاڭى» ءتۇسىرىلىمىن اياقتادىق. ءبىزدىڭ كوماندانىڭ ءار قاتىسۋشىسىنا وسى تاماشا كەزەڭ ءۇشىن، باعا جەتپەس تاجىريبە ءۇشىن، ەڭبەكتەرىڭىز بەن كاسىپقويلىقتارىڭىز ءۇشىن العىس ايتقىم كەلەدى»، دەپ جازدى فيلم رەجيسسەرى اقان ساتاەۆ جەلىدەگى پاراقشاسىندا.

قازاق مەملەكەتىنىڭ قالىپتاسۋى تۋرالى تاريحي-پاتريوتتىق فيلم قر مادەنيەت جانە سپورت مينيسترلىگىنىڭ قولداۋىمەن ءتۇسىرىلدى. تۋىندىداعى باستى رولدەردى بەرىك ايتجانوۆ، دانيار ورازاەۆ، ەرىك جولجاقسىنوۆ جانە ايدوس ابدىقادىروۆ سومدايدى. فيلم XVI عاسىرداعى قازاق حاندىعىنىڭ بيلەۋشىسى - قاسىم حاننىڭ جەتىستىكتەرى تۋرالى باياندايدى.

ەسكە سالا كەتەيىك، ماۋسىم ايىندا قر مادەنيەت جانە سپورت ءمينيسترى اقتوتى رايىمقۇلوۆا باستاعان دەلەگاتسيا الماتى وبلىسى قاپشاعاي قالاسىنىڭ ماڭىندا ورنالاسقان تاريحي ءفيلمىنىڭ ءتۇسىرىلىم الاڭىندا بولدى.

كەيىن «قازاقفيلم» كينوستۋدياسى Instagram پاراقشاسىندا XVI عاسىرداعى قاسىم حان اسكەرى مەن شايباني جاۋىنگەرلەرىنىڭ ايقاسى تۋرالى كورىنىستى جاريالاعان ەدى.

 

 

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار