الەم • 02 تامىز، 2021

مالايزيا حالقى ۇكىمەتكە نارازى

29 رەت كورسەتىلدى

سەنبىدە جۇزدەگەن مالايزيالىق ۇكىمەتتىڭ كوروناۆيرۋس ينفەكتسياسىنىڭ تارالۋىن بولدىرماۋ ءۇشىن كوپشىلىك جينا­لىستارعا تىيىم سالۋ تالابىنا جانە ءساتسىز جۇمىسىنا قاتىستى نارازىلىق ءبىلدىرىپ، پرەمەر-ءمينيستردىڭ وتستاۆكاعا كەتۋىن تالاپ ەتتى.

ماسكا كيگەن جانە ءبىر-بىرىنەن الشاق تۇرعان نارازى ازاماتتار ء«ساتسىز ۇكىمەت» دەگەن جازۋى بار ترانسپارانتتاردى، سون­داي-اق قارا جالاۋلاردى جەلبىرەتتى.

بۇل مالايزياداعى العاشقى ءىرى دە­مونستراتسيا بولدى. ويتكەنى بۇعان دەيىن كوپتەگەن ازامات پاندەمياعا وراي ەن­گىزىل­گەن شەكتەۋلەرگە بايلانىستى جانە ۆيرۋس جۇقتىرۋدان قورقىپ، كوشەگە شىقپاعان.

بىراق ۇكىمەتتىڭ شەكتەۋلەرىنە، ىن­دەت­تىڭ كۇشەيىپ جاتقانىنا قارا­ماس­تان، ازاماتتار پرەمەر-مينيستر مۋ­حيد­دين ءياسيننىڭ داعدارىسقا ۇشى­را­عان اكىمشىلىگىن بيلىكتە ۇستاپ تۇرۋ ارە­كەت­تە­رىنە نارازى ەكەنىن ءبىلدىرىپ، اكتسيا ۇيىمداستىردى.

ء«بىز دە كۇرەسىپ جاتىرمىز. سەبەبى ادام­دار كوپتەپ زارداپ شەگىپ جاتقان كەز­دە بۇل ۇكىمەت ساياساتپەن اينالى­سا­دى»، دەدى نارازىلاردىڭ ءبىرى كۋالا-لۋمپۋردىڭ ورتالىعىندا. «بۇل ۇكىمەت ەكونوميكانىڭ قۇلدىراۋىنا الىپ كەلدى، سونىمەن قاتار ءبىزدىڭ ەلدەگى دە­مو­كراتيانى بۇزدى»، دەيدى ولار.

«مۋحيددين – قورقىنىشتى پرەمەر-مينيستر»، دەگەن دە پىكىر ايتىل­دى. نارازىلار ءبىراۋىزدان ونىڭ وت­س­­­تاۆ­­كاعا كەتۋىن تالاپ ەتتى.

ۇيىمداستىرۋشىلار اكتسياعا 1000-عا جۋىق دەمونسترانت قاتىسقانىن ايتتى، بىراق پوليتسيا ولاردىڭ سانىن 400-گە جۋىق دەپ حابارلادى.

پوليتسيا جەرگىلىكتى باق-قا نارا­زى­لىق بىلدىرۋشىلەر جينالىستارعا تى­يىم سا­لۋدى بۇزعاندىقتان، جاۋاپقا تار­تىل­عا­نىن مالىمدەدى.

مۋحيددين بيلىككە وتكەن جىلى رە­فور­ميستىك اكىمشىلىك قۇلاعاننان كەيىن ساي­لاۋسىز، جانجالداسقان كوا­ليتسيانىڭ باسىنا كەلدى. بىراق ونىڭ ۇكىمەتى وداق­تاس­تارى قولداۋدان باس تارت­قاننان كەيىن قۇلدىراۋ الدىندا تۇر.

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار