اكىمنىڭ ايتۋىنشا, ەپيدەميالىق جاعدايى كۇرت ناشارلاعان قالالار قاتارىندا اتىراۋ دا بار. وسىعان بايلانىستى اshyq جوباسىنا قاتىسپايتىن بارلىق كاسىپورىن مەن ۇيىمنىڭ قىزمەتى ۋاقىتشا توقتاتىلادى. ويىن-ساۋىق, سپورتتىق, وتباسىلىق, ساداقا جانە وزگە دە بۇقارالىق ءىس-شارالارعا تىيىم سالىنادى.
«وڭىردە اسا قاۋىپتى «دەلتا» شتامىنىڭ تارالۋى مەن كارانتيندىك تالاپتاردىڭ ساقتالماۋىنان كوروناۆيرۋس پەن پنەۆمونياعا شالدىققاندار سانى كۇرت ءوستى. ماسەلەن, بىلتىر وسى ۋاقىتتا ورتا ەسەپپەن 5 830 جاعداي تىركەلسە, بيىل 7 767-گە جەتىپ وتىر. كۇن سايىن كوروناۆيرۋس ينفەكتسياسىن جۇقتىرعان 400-دەن استام ناۋقاس انىقتالۋدا. قازىر 1,5 مىڭداي ادام ينفەكتسيالىق ستاتسيونارلاردا وقشاۋلانعان. ونىڭ ىشىندە 102 جۇكتى ايەل, جاس بوسانعان 4 انا مەن 18 جاسقا دەيىنگى 13 بالا بار. امبۋلاتوريالىق ەم قابىلداپ جاتقاندار سانى 4 مىڭعا جۋىقتادى. جانساقتاۋ بولىمىندە 80 ادام اۋىر حالدە جاتىر. سوڭعى 4 كۇندە قاۋىپتى ۆيرۋستان 24 ادام قايتىس بولدى», دەيدى ماحامبەت دوسمۇحامبەتوۆ.
