اتاپ ايتقاندا, كووپەراتسيا باعىتتارىنىڭ ءبىرى ءسۇتتى مال شارۋاشىلىعى سالاسىنداعى ىنتىماقتاستىق جانە قازاقستان اۋماعىندا ءسۇتتى تەرەڭ وڭدەۋ بويىنشا بىرلەسكەن جوبالاردى ىسكە اسىرۋ بولۋى مۇمكىن. ونىڭ ىشىندە شەكارا ماڭى ىنتىماقتاستىعىنىڭ حالىقارالىق ورتالىقتارى بازاسىندا.
تاراپتار سونداي-اق حالال جانە ورگانيكالىق ونىمدەردى ءوندىرۋ جانە ىلگەرىلەتۋ, سونداي-اق حالال/ورگانيك ونىمدەرىن سەرتيفيكاتتاۋ جانە اككرەديتتەۋ جۇيەلەرىن قۇرۋ سالاسىندا تاجىريبە الماسۋ جانە بىرلەسكەن جوبالاردى ىسكە اسىرۋ مۇمكىندىگىن تالقىلادى.
– ءبىز وسى باعىتتا بىرلەسە جۇمىس ىستەپ, حالال ونىمدەر بويىنشا بىرىڭعاي ستاندارتتاۋدى پىسىقتاۋىمىز كەرەك. ونىڭ ىشىندە ءۇشىنشى ەلدەردىڭ نارىعىنا شىعۋ مۇمكىندىگى ءۇشىن سايكەستىكتى تانۋ تۇرعىسىندا – دەپ اتاپ ءوتتى قايرات تورەباەۆ.
سونىمەن بىرگە, ەكى ەل اراسىنداعى ساۋدا-ەكونوميكالىق ىنتىماقتاستىقتىڭ جاي-كۇيى جانە ەكى جاقتى تاۋار اينالىمىن ارتتىرۋ الەۋەتى تالقىلاندى. اتاپ ايتقاندا, قازاقستاندىق دەلەگاتسيا تاتارستاننىڭ اۋىل شارۋاشىلىعى جانە ازىق-ت ۇلىك ءمينيسترىن قر-دان 396,3 ملن.دوللار سوماسىندا ەكسپورت نومەنكلاتۋراسىن كەڭەيتۋ مۇمكىندىگى تۋرالى حاباردار ەتتى. ونىمدەر تىزبەسىنە ءتۇرلى سالالارداعى 100-دەن استام شيكىزاتتىق ەمەس تاۋارلار كىرەدى.
– ءبىز تاتارستانعا قازاقستاننان تاماق ونەركاسىبىنىڭ ونىمدەرىن, اتاپ ايتقاندا: شيكى راپس مايى, ماكارون ونىمدەرى, كۇرىش, قانت, كونديتەرلىك ونىمدەر جانە ت.ب. اكەلۋدى ۇيىمداستىرۋدى ۇلعايتۋ مۇمكىندىگىن قاراستىرۋدى ۇسىنامىز. قازاقستان ءىس جۇزىندە بارلىق سالالاردا ىنتىماقتاستىق مۇمكىندىكتەرىن كورىپ وتىر جانە تاتارستاندىق تۇتىنۋشىعا ساپالى تاۋارلاردىڭ كەڭ سپەكترىن ۇسىنۋعا دايىن, – دەپ حابارلادى قر ساۋدا جانە ينتەگراتسيا ۆيتسە-ءمينيسترى.
تاراپتار سونداي-اق اۋىل شارۋاشىلىعى كووپەراتسياسىن دامىتۋ جانە فەرمەرلىكتىڭ ساۋدا جەلىلەرىمەن ءتيىمدى ءوزارا ءىس-قيمىلىن قالىپتاستىرۋ تاجىريبەسىمەن الماستى, سونداي-اق الەۋمەتتىك ماڭىزى بار ازىق-ت ۇلىك تاۋارلارىنا باعالاردى تۇراقتاندىرۋدىڭ ءوزارا تاجىريبەسىن تالقىلادى.
قايرات تورەباەۆ تاتارستاندىق ارىپتەسىن ۇلتتىق تاۋار وتكىزۋ جۇيەسىن قۇرۋدىڭ قازاقستاندىق جوباسى تۋرالى حاباردار ەتتى. كەزدەسۋ قورىتىندىسى بويىنشا تاۋار وتكىزۋ جۇيەلەرىن دامىتۋ بويىنشا «ساعاتتاردى سالىستىرۋ» ۋاعدالاستىعىنا قول جەتكىزىلدى.
تاراپتار ساۋدا-ەكونوميكالىق ىنتىماقتاستىقتى كەڭەيتۋ جانە ءتۇرلى سالالاردا تاجىريبە الماسۋ جونىندەگى جول كارتاسىن ازىرلەۋ تۋرالى شەشىم قابىلدادى. جاقىن ارادا ساراپشىلىق دەڭگەيدە جۇمىس توبىن قۇرۋ جوسپارلانۋدا.
جاقىن ارادا ساراپشىلىق دەڭگەيدە جۇمىس توبىن قۇرۋ جوسپارلانۋدا.
كەزدەسۋ قر ساۋدا جانە ينتەگراتسيا ۆيتسە-ءمينيسترى قايرات تورەباەۆتىڭ «رەسەي – يسلام الەمى: KazanSummit 2021» XII حالىقارالىق ەكونوميكالىق ءسامميتىنىڭ جۇمىسىنا قاتىسۋى شەڭبەرىندە ءوتتى. سامميت اياسىندا قر ساۋدا-ەكونوميكالىق ميسسياسى جانە قازاقستان-رەسەي بيزنەس-فورۋمى وتۋدە.
