قازاقستان • 30 شىلدە، 2021

شالعىن كوبەلەكپەن كۇرەس ءۇشىن كەتكەن شىعىن وتەلە مە؟

52 رەت كورسەتىلدى

مەملەكەت شالعىن كوبەلەكپەن كۇرەس ءۇشىن كەتكەن شىعىننىڭ 50 پايىزىن وتەيتىن بولادى، دەپ حابارلايدى Egemen.kz قر اۋىل شارۋاشىلىعى مينيسترلىگىنە سىلتەمە جاساپ.

كليماتتىق جاعدايلارعا بايلانىستى بيىل قازاقستاننىڭ سولتۇستىك، اقتوبە جانە شىعىس قازاقستان وبلىستارىندا شالعىن كوبەلەگىنىڭ جاپپاي كوبەيۋ قاۋپى ءوسىپ وتىر.

مينيسترلىك تاراپىنان وسى زياندى ورگانيزمنىڭ ناقتى تارالۋ ورتاسىن انىقتاۋ ءۇشىن قاجەتتى فيتوسانيتاريالىق تەكسەرۋلەر جۇرگىزىلدى.

بۇگىنگى تاڭدا 306،59 مىڭ گەكتار جەر زەرتتەلىپ ۇلگەردى. جالپى تارالۋ اۋدانى 16،979 مىڭ گەكتاردى قۇرايدى.

اۋىل شارۋاشىلىعى ءمينيسترىنىڭ مىندەتىن اتقارۋشى ە. قاراشوكەەۆتىڭ تاپسىرماسى بويىنشا اگروونەركاسىپ كەشەنىندەگى مەملەكەتتىك ينسپەكتسيا كوميتەتىنىڭ توراعاسى ا. مارس اقتوبە وبلىسىنا شالعىن كوبەلەگىنە قارسى كۇرەس جانە قورعاۋ شارالارىن جۇرگىزۋ بويىنشا، جۇمىستاردى ۇيىمداستىرۋ جانە قاجەتتى باسقارۋشىلىق شەشىمدەر قابىلداۋ ءۇشىن ءىس-ساپارعا جىبەرىلدى.

اوك دامىتۋدىڭ 2017-2021 جىلدارعا ارنالعان مەملەكەتتىك باعدارلاماسى اياسىندا، اۋىل شارۋاشىلىعى تاۋارىن وندىرۋشىلەر مەن بيزنەس وكىلدەرىنىڭ باستامالارىنا سايكەس، 2020 جىلدان باستاپ شالعىن كوبەلەگىنە قارسى قورعاۋ شارالارىن جۇرگىزۋ جونىندەگى جاۋاپكەرشىلىك پەستيتسيدتەر قۇنىنىڭ شىعىندارىن 50%-عا دەيىن وتەۋ ءۇشىن سۋبسيديالار بەرە وتىرىپ، جەرگىلىكتى اتقارۋشى ورگانداردىڭ قۇزىرەتىنەن، اۋىل شارۋاشىلىعى تاۋارىن وندىرۋشىلەردىڭ قۇزىرەتىنە بەرىلگەن.

بيىل پەستيتسيدتەردى سۋبسيديالاۋعا جالپى 32،3 ملرد.تەڭگە، ونىڭ ىشىندە اقتوبە وبلىسىنا 545،8 ميلليون تەڭگە بولىنگەن. تەحنيكالىق قايتا جاراقتاندىرۋ بويىنشا ينۆەستيتسيالىق سۋبسيديالار بەرۋ اياسىندا شارۋا جانە فەرمەرلىك قوجالىقتارعا وسىمدىكتەردى قورعاۋ قۇرالدارىن ەنگىزۋ بويىنشا بۇرىككىشتەردى ارزانداتۋ ءۇشىن وزدىگىنەن جۇرەتىن بۇركۋ تەحنيكاسى قۇنىنىڭ 50%-ىنا دەيىن سۋبسيديالاۋ كوزدەلگەن، سونداي-اق تراكتورلاردىڭ قۇنى ارزانداتىلاتىن بولادى.

وتاندىق ءوندىرىس تراكتورلارى بويىنشا قۇنىنىڭ 30%-ىنا دەيىن، يمپورتتىق ءوندىرىس ءۇشىن 25%-ىنا دەيىن سۋبسيديالاۋ كوزدەلگەن.

«قازىرگى ۋاقىتتا اقتوبە وبلىسىنىڭ اكىمدىگى 2،2 مىڭ گەكتار الاڭدا حيميالىق وڭدەۋ جۇرگىزۋگە قارجى ءبولدى. ءىس-شارالاردى جۇرگىزۋ تيىمدىلىگى جوعارى بۇرىككىش تەحنيكا-گاز گەنەراتورلارىن پايدالانۋ ارقىلى جۇزەگە اسىرىلادى»، دەپ جازىلعان حابارلامادا.

سوڭعى جاڭالىقتار

زاڭ ءبىلىمىنىڭ ساپاسى قارالدى

پارلامەنت • بۇگىن، 08:10

شەرحاننىڭ شامىرقانىسى

ادەبيەت • كەشە

مەيىرىم ءپالساپاسى

رۋحانيات • كەشە

تۋريستەر تورگە وزسا...

ايماقتار • كەشە

ورالحاننىڭ وبرازى

ادەبيەت • كەشە

اۋەزوۆتىڭ عادەتى

ادەبيەت • كەشە

ۇقساس جاڭالىقتار