ەلىمىزدە نان-توقاش, ماكارون جانە ۇننان جاسالعان كونديتەرلىك ونىمدەر ءوندىرىسىنىڭ كولەمى اعىمداعى جىلدىڭ ءبىرىنشى جارتىجىلدىعىندا 111 ملرد تەڭگەنى قۇرادى. بۇل كورسەتكىش وتكەن جىلدىڭ كەزەڭىمەن سالىستىرعاندا 11,8%-عا از.
ءوندىرىستىڭ ەڭ كوپ قۇلدىراۋى جاڭا پىسكەن نان بويىنشا - 21,3%-عا, 266,6 مىڭ تونناعا دەيىن بايقالدى.
سونداي-اق, ماكارون, كەسپە جانە ت.ب. ۇن ونىمدەرىن شىعارۋ 17,9%-عا, 75,6 مىڭ تونناعا دەيىن ازايدى. قىسقا مەرزىمدە ساقتالاتىن ءتاتتى توقاشتار مەن كونديتەرلىك ونىمدەر ءوندىرىسى 17,7%-عا, 13,9 مىڭ تونناعا دەيىن قىسقاردى.
تەك كەپتىرىلگەن نان مەن پەچەنە, كونديتەرلىك ونىمدەر مەن ۇزاق ساقتالاتىن ءتاتتى توقاشتار شىعارۋ ءوندىرىسى - 0,8%-عا, 56,5 مىڭ تونناعا دەيىن بولماشى ءوسىمدى كورسەتتى.
بۇل رەتتە نان باعاسى ءبىر جىلدا بىردەن 5,9%-عا ءوستى. بيداي نانى 9,2%-عا, ماكارون ونىمدەرى 10,3%-عا, ونىڭ ىشىندە 11,6%-عا - كەسپە قىمباتتادى. نان جانە ۇننان جاسالعان كونديتەرلىك ونىمدەر 8,2%-عا قىمباتتادى.
