كورنەكى سۋرەت
ج.بەكشيننىڭ ايتۋىنشا, سوڭعى اپتادا الماتىدا كۆي جۇقتىرۋ كورسەتكىشى ساۋدا نىساندارىندا – 35%, وتباسىلىق بايلانىس ارقىلى – 19%, قوعامدىق كولىكتە قاتىناۋ بارىسىندا – 16%, بازارلاردا – 14%, ساياباق پەن جاياۋ جۇرگىنشىلەر كوشەلەرىندە 3,6%-دى قۇراپ وتىر.
سونىمەن قاتار تۋىستارمەن جانە كورشىلەرمەن بايلانىس كەزىندە جۇقتىرعان كۆي ينفەكتسياسى 0,2–0,4%-عا ءوستى. ورامىشىلىك ازىق-ت ۇلىك ەمەس دۇكەندەردە – 0,1%-عا جانە قوعامدىق تاماقتانۋ نىساندارىندا, مەيرامحانالاردا, ءدامحانا مەن اسحانالاردا – 0,2%-عا, مونشا مەن ساۋنالاردا – 0,4%-عا وسكەنى بايقالدى.
«Ashyq» جوباسىنا قاتىسۋشى نىسانداردا جۇقتىرۋشىلاردىڭ ۇلەس سالماعى 106-دان 186 ادامعا دەيىن ارتقان. بۇل نىسانداردىڭ كىرەبەرىسىندەگى باقىلاۋ جۇمىسىنىڭ ناشارلىعىن كورسەتەدى. وسىنداي ارەكەتتىڭ سالدارىنان حقكو-دا - 16, ساۋنالاردا, باسسەين مەن فيتنەس-ورتالىقتاردا - 11, مەيرامحانالاردا, كافەلەردە - 8 جانە بانكەت زالدارىندا 5 ادامنىڭ ۆيرۋس جۇقتىرعانى انىقتالعان.
باس سانيتارلىق دارىگەرى الماتىلىقتارعا مىندەتتى تۇردە بەتپەردە تاعۋدى, جۇمىس بولمەسىن, ءۇي-جايلاردى ۇنەمى جەلدەتىپ وتىرۋدى, ادام كوپ جينالاتىن ورىندارعا بارماۋدى ەسكەرتتى. ينفەكتسياعا كۇدىك تۋىنداعان جاعدايدا بىردەن دارىگەردىڭ كومەگىنە جۇگىنىپ, باسقا ادامدارعا جۇقتىرماۋ ءۇشىن شەكتەۋ شارالارىن ساقتاۋ قاجەت.
