اسلان تىلەسوۆ جاقىندا №1 ءورت ءسوندىرۋ بولىمشەسىندە «QazHydrant» دەپ اتالاتىن جاڭا موبيلدىك قوسىمشاسىن تانىستىردى.
«مەن IT-تەحنولوگيانىڭ ەرەكشەلىكتەرىن 8-سىنىپتان بەرى زەرتتەپ كەلەمىن. بۇل جوبانى ءورت ءسوندىرۋ قىزمەتىن وڭتايلاندىرۋعا ءۇشىن دايىندادىم. اتالعان قوسىمشانى دايىنداۋعا ء«بىلىم-يننوۆاتسيا» ليتسەيىندەگى زامانداستارىم ابدىكەرىم نودياروۆ پەن ءادىلجان سالپەكوۆ كومەك بەردى. قوسىمشانى دايىنداۋداعى ماقساتىم – ءورت سوندىرۋشىلەردىڭ قىزمەتىن جەدەلدەتۋگە قول ۇشىن سوزۋ. ويتكەنى, ءورت ءسوندىرۋ كەزىندە توتەنشەلىكتەر گيدرانتتاردى تابا الماي, ابىگەرگە تۇسەدى. اسىرەسە, تۇنگى مەزگىلدە تابۋ قيىندايدى» دەيدى جاڭا قوسىمشانىڭ اۆتورى اسلان تىلەسوۆ.
وقۋشىنىڭ ايتۋىنشا, Google كارتاسىنان اتىراۋ قالاسىنداعى بارلىق گيدرانتتىڭ قاي جەردە ورنالاسقانىن ناۆيگاتسيالىق جۇيەمەن انىقتاۋعا مۇمكىندىك بار. سول سەبەپتەن, ءورت سوندىرۋشىلەر موبيلدىك قوسىمشاعا قىزىعۋشىلىق تانىتىپ وتىر.
«قوسىمشانىڭ ءالى دە جەتىلدىرەتىن تۇسى بار. دەگەنمەن, جاقىندا جوبانى تولىقتىرىپ, ىسكە قوسۋ جولدارى قاراستىرىلادى. بۇعان قوسا, اstanaHub ۇيىمداستىرعان Smart City Accelerator (اقىلدى قالا) بايقاۋىنا قاتىسىپ, ءى كەزەڭىنىڭ ىرىكتەۋىنەن ءوتتىم», دەيدى اسلان تىلەسوۆ.
