وبلىستىق پوليتسيا دەپارتامەنتى ءباسپاسوز قىزمەتىنىڭ اقپاراتىنا سۇيەنسەك, اتىراۋ قالاسىندا جىل باسىنان بەرى جاياۋ جۇرگىنشىلەرگە ارنالعان وتكەلىن كورە تۇرا ودان تىس جەردەن وتكەن 4000-نان استام ادام انىقتالعان.
«جولدا ءجۇرۋ ەرەجەسىن بۇزعان جاياۋ جۇرگىنشىلەرگە قر اكىمشىلىك قۇقىقبۇزۋشىلىق تۋرالى كودەكسىنىڭ 615-بابىمەن (جاياۋ جۇرگىنشىلەرگە ارنالعان وتكەلىن كورە تۇرا تىس جەردەن وتكەن ءۇشىن) اكىمشىلىك حاتتاما تولتىرىلىپ, ارقايسىسىنا 5 834 تەڭگە ايىپپۇل سالىندى. ال جاياۋ جۇرگىنشىلەرگە جول بەرمەگەن 731 كولىك جۇرگىزۋشىنىڭ ارقايسىسى اتالعان كودەكستىڭ 600-بابىمەن (جاياۋ جۋرگىنشىلەرگە ارنالعان وتكەلىنەن جاياۋ جۇرگىنشىلەرگە جول بەرمەۋ) 29 170 تەڭگە كولەمىندە ايىپپۇل تولەدى. جىل باسىنان بەرى جول بويىندا جاياۋ جۇرگىنشى قاتىسۋىمەن 33 جول-كولىك وقيعاسى بولدى. سونىڭ سالدارىنان 3 ادام قازا تاۋىپ, 30 ادام ءارتۇرلى دەنە جاراقاتىن الدى» دەيدى وبلىستىق پوليتسيا دەپارتامەنتىنىڭ باستىعى, پوليتسيا پولكوۆنيگى قامزا ۇمبەتقاليەۆ.
