سپورت • 28 شىلدە، 2021

توكيو-2020: ميلاد كاريمي سپورتتىق گيمناستيكادان كوپسايىستى اياقتادى

156 رەت كورسەتىلدى

سپورتتىق گيمناستيكادان قازاقستان كومانداسىنىڭ ۇزدىگى ميلاد كاريمي توكيو وليمپياداسىنداعى كوپسايىس فينالىندا باق سىنادى دەپ جازادى Olympic.kz. 

فوتو: سالي سابيروۆ، قازاقتان ۇوك ءباسپاسوز قىزمەتى

كاريمي ىرىكتەۋ قورىتىندىسى بويىنشى ءۇش فينالدىق سىنعا جولداما الدى. اتاپ ايتار بولساق، قازاقستاندىق گيمناست كوپسايىس، ەركىن جاتتىعۋ جانە گيمناستيكالىق كەرمەدەگى جاتتىعۋدان اقتىق سىنعا وتكەن بولاتىن. 

ميلاد  كوپسايىستاعى العاشقى جاتتىعۋدى شىعىرشىقتا ورىنداپ، 12. 866 ۇپاي جينادى. كەيىن قول تىرەپ سەكىرۋدەن 14.066،  قوسسىرىقتاعى جاتتىعۋدان 13.966 ۇپاي ەنشىلەدى. 

گيمناستيكالىق كەرمەدەگى جاتتىعۋدان 13.333 ۇپاي ەنشىلەسە، ەركىن جاتتىعۋدان 15.055 ۇپايعا قول جەتكىزدى. بۇل وسى جاتتىعۋ بويىنشا بارلىق فيناليستەر اراسىنداعى جوعارى ناتيجە ەكەنىن ايتا كەتكەن ءجون.

ميلاد گيمناستيكالىق ات سناريادىنداعى جاتتىعۋى ءۇشىن 13.266 ۇپاي، جالپى ەسەبى 82.530 ۇپاي جيناپ، قورىتىندى ەسەپتە 14-ءشى ورىن الدى.

كوپسايىستاعى التىن جۇلدەنى جاپونيالىق دايكي حاشيميتو (88.465) ەنشىلەدى. كۇمىس مەدال قىتايلىق رۋوتەن سياونىڭ (88.065)، قولا مەدال رەسەيلىك نيكيتا ناگورنىيدىڭ (88.031) ەنشىسىندە. 

ايتا كەتەلىك، ەركىن جاتتىعۋ بويىنشا فينالدىق كەزەڭ 1 تامىزدا، گيمناستيكالىق كەرمەدەگى جاتتىعۋ بويىنشا اقتىق سىن 3 تامىزدا وتەدى. 

سوڭعى جاڭالىقتار

دوللار قىمباتتادى

قارجى • بۇگىن، 15:52

بۋبليكتە ىلگەرىلەۋ بار

سپورت • بۇگىن، 07:29

ءۇش ورەنىمىز رينگكە شىعادى

سپورت • بۇگىن، 07:27

ۇقساس جاڭالىقتار