ايماقتار • 28 شىلدە، 2021

اتىراۋدا دارىگەرلەرگە دورەكىلىك تانىتقان شەتەلدىككە ايىپپۇل سالىندى

5226 رەت كورسەتىلدى

بۇدان بۇرىن «دينا» بازارىندا شەتەلدىك ازامات ۆاكتسينالاۋ بەكەتىندە دارىگەرلەرگە ءتىل تيگىزىپ، شۋ شىعارعان ەدى، دەپ حابارلايدى Egemen.kz.

كەيىن اتىراۋ قالاسىندا №3 ەمحانانىڭ ديرەكتورى ايمان وتەگەنوۆا شەتەلدىكتىڭ ارەكەتىن زاڭسىزدىققا بالاپ، سوتقا جۇگىنەتىنىن مالىمدەگەن بولاتىن.

اتىراۋداعى مامانداندىرىلعان اكىمشىلىك سوتىندا جۇك تيەۋشى بولىپ جۇمىس ىستەيتىن وزبەكستان رەسپۋبليكاسىنىڭ 24 جاستاعى ازاماتىنا قاتىستى ءىس قارالدى.

«سوت ىسىنە سوتتالۋشى مەن دارىگەر قاتىستى. سوتتالۋشى ءوز كىناسىن مويىنداپ، دارىگەردەن كەشىرىم سۇرادى. سوت وزبەكستان رەسپۋبليكاسىنىڭ ازاماتىن قر اكىمشىلىك قۇقىقبۇزۋشىلىق تۋرالى كودەكسىنىڭ 434-بابىمەن (ۇساق بۇزاقىلىق) كىنالى دەپ تانىپ، 10 210 تەڭگە ايىپپۇل سالدى. شەتەلدىككە جۇمىس بەرۋشى – ساۋدا دۇڭگىرشەگىنىڭ يەسىنە دە  ايىپپۇل سالىندى»، دەپ حابارلادى وبلىستىق سوتتىڭ ءباسپاسوز قىزمەتى.

 

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار