ايماقتار • 28 شىلدە، 2021

الماتىدا كىمدەر پتر-تەستىلەۋدەن تەگىن وتە الادى؟

82 رەت كورسەتىلدى

بۇل سۇراققا بۇگىن وڭىرلىك كوممۋنيكاتسيالار قىزمەتىندە وتكەن ونلاين-بريفينگتە قالالىق قوعامدىق دەنساۋلىق باسقارماسىنىڭ باسشىسى ناريمان تابىنباەۆ جاۋاپ بەردى. ول تەگىن پتر تەستىلەۋدەن جۇكتى ايەلدەردىڭ، ناۋقاسپەن بايلانىستا بولعانداردىڭ جانە كلينيكالىق بەلگىلەرى بار تۇلعالاردىڭ تەگىن وتۋلەرى قاراستىرىلعانىن اتاپ ءوتتى، دەپ حابارلايدى Egemen.kz.

«مەن مۇندا ەشقانداي كەدەرگىنى كورىپ تۇرعان جوقپىن، ءار ەمحانادا ۋچاسكەلىك دارىگەر، كەزەكشىلەر بار، سونداي-اق 24/7 تەلەمەديتسينا ورتالىعى جۇمىس ىستەيدى. ولاردىڭ بارلىعى سىزگە كورسەتكىشتەر بويىنشا تولىق جاۋاپ بەرەدى جانە پتر-تەستىلەۋدەن قايدا جانە قالاي تەگىن ءوتۋ كەرەكتىگىن ايتادى»، دەدى الماتىنىڭ قدس باسشىسى.

ناريمان تابىنباەۆتىڭ ايتۋىنشا، ۆاكتسينالاۋدىڭ كوپ جىلدىق تاجىريبەسى كورسەتكەندەي، ينفەكتسيالارعا قارسى كۇرەستە ەكپە سالۋدان وزگە بىردە ءبىر ءتيىمدى ءادىس جوق.

«قوسىمشا ايتارىم، ءبىزدىڭ تاراپىمىزدان مۇعالىمدەر اراسىندا ەكپە ەگۋ ناۋقانى جۇرگىزىلۋدە. بۇگىندە پەداگوگتاردىڭ 100%-ى ەكپە الدى. وسىنداي جۇمىس جوعارى وقۋ ورىندارىندا دا جۇرگىزىلۋدە. ستۋدەنتتەردى ۆاكتسينالاۋمەن قامتۋ جالپى ساننىڭ 28%-ىن قۇرايدى. ستۋدەنتتەردىڭ كوپشىلىگى باسقا سىرتتان كەلەتىنىنە بايلانىستى (167 مىڭ ستۋدەنتتىڭ 100 مىڭنان استامى) يممۋنداۋ جۇمىسى ناشار ءجۇرىپ جاتىر»، دەدى ن. تابىنباەۆ.

ايتا كەتەرلىگى، وتكەن تاۋلىكتە 5 001 ادام ۆاكتسينا الدى. 60 جاستان جوعارى ۆاكتسينا العان ادامنىڭ سانى 96 553 ادامدى قۇرايدى.

«بىزدە Sinovac-قا ۇلكەن سۇرانىس بار. قازاقستان رەسپۋبليكاسى دەنساۋلىق ساقتاۋ مينيسترلىگىمەن كەلىسسوزدەر جۇرگىزىلدى. جاقىن ارادا Sinovac ۆاكتسيناسىن جەتكىزۋ تۋرالى اقپارات الدىق»، دەپ قورىتىندىلادى ءسوزىن الماتى قالاسى قوعامدىق دەنساۋلىق باسقارماسىنىڭ باسشىسى.

قدسب باسشىسى الماتىنىڭ بارلىق تۇرعىندارىن تەز ارادا كۆي-گە قارسى ۆاكتسينالاۋعا شاقىردى. ويتكەنى بۇل قاۋىپتى اۋرۋدىڭ تەز تارالۋىنا توتەپ بەرۋدىڭ جالعىز جولى.

ەسكە سالساق، الماتىدا ەكپە پۋنكتتەرىنىڭ كەڭ جەلىسى اشىلعان جانە كۇن سايىن 15-20 مىڭعا دەيىن ەكپە جۇرگىزۋگە مۇمكىندىك بار.

2021 جىلدىڭ 1 اقپانىنان 27 شىلدەگە دەيىنگى ارالىقتا الماتىدا ەكپەنىڭ I كومپونەنتىن 690 711 ادام الدى. مەگاپوليستەگى مەديتسينالىق ۇيىمداردا، مەكتەپ، مادەنيەت، سپورت نىساندارىندا، بازار مەن قالانىڭ سوسو-دا 212 ۆاكتسينا پۋنكتى جۇمىس ىستەيدى (250-گە دەيىن ۇلعايتۋ مۇمكىندىگىمەن).

سوڭعى تاۋلىكتە قالادا كوروناۆيرۋس ينفەكتسياسىن جۇقتىرعان 1 250 ناۋقاس تىركەلدى. سونىڭ 1 166-سى سيمپتومسىز، 84-ءى سيمپتومدى.

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار