بالىق شارۋاشىلىعى كوميتەتىنىڭ زايسان-ەرتىس وبلىسارالىق باسسەيندىك ينسپەكتسياسىنىڭ قىزمەتكەرلەرى ەرتىس وزەنىندە, بەلايا وزەنىندە بولعان رەيد كەزىندە اسپالى قوزعالتقىشى بار قايىقتا زاڭسىز بالىق اۋلاعان براكونەردى ۇستادى.
قايىقتان سالماعى 4 كەلى ءسىبىر بەكىرەسى مەن سالماعى 8,8 كەلى 14 ستەرلەت بالىعى تابىلدى. بالىق رەسۋرستارىنا كەلتىرىلگەن جالپى شىعىن 3 ميلليون 469 مىڭ 771 تەڭگەنى قۇرادى.
سيرەك كەزدەسەتىن جانە قۇرىپ كەتۋ قاۋپى تونگەن بالىق تۇرلەرىن زاڭسىز اۋلاعانى ءۇشىن ەر ادامعا قر قك-ءنىڭ 339-بابى «سيرەك كەزدەسەتىن جانە قۇرىپ كەتۋ قاۋپى تونگەن, سونداي-اق پايدالانۋعا تىيىم سالىنعان وسىمدىكتەر مەن جانۋارلار تۇرلەرىن, ولاردىڭ بولىكتەرى مەن دەريۆاتتارىن زاڭسىز پايدالانۋ» بويىنشا جازا قولدانىلادى. اتالعان باپ بويىنشا كىنالى ءۇش جىلدان جەتى جىلعا دەيىن باس بوستاندىعىنان ايىرىلۋى مۇمكىن.
وسىعان بايلانىستى قۇقىق بۇزۋشىلىق جاسالعان جەرگە پاۆلودار وبلىسى ماي اۋداندىق پوليتسيا ءبولىمىنىڭ جەدەل-تەرگەۋ توبى شاقىرىلىپ, ماتەريالدار قىلمىستىق ءىس قوزعاۋ ءۇشىن بەرىلدى.
