جارلىققا سايكەس الەۋمەتتىك-ەكونوميكالىق وبەكتىلەردىڭ جۇمىسىن شەكتەۋ كريتەريلەرى وزگەرتىلدى.
«Ashyq» جوباسىنا قاتىساتىن نىسانداردى قوسپاعاندا, كوسمەتيكالىق قىزمەت كورسەتەتىن ورتالىقتاردىڭ, سۇلۋلىق سالوندارىنىڭ, شاشتارازداردىڭ, مانيكيۋر جانە پەديكيۋر قىزمەتتەرىنىڭ جۇمىسى ۋاقىتى 9:00-دەن 20:00-گە دەيىن قىقارادى. «كوشباسشى» مارتەبەسى بار نىساندار ساعات 22:00-گە دەيىن جۇيىس ىسەۋگە رۇقسات بەرىلەدى.
سونداي-اق, قۇجاتقا سايكەس, قىزمەتكەرلەردىڭ 80%-ىنا قاشىقتىقتان جۇمىس جاساۋ ۇسىنىلادى. بۇل رەتتە COVID-19-قا قارسى ۆاكتسيناتسيانىڭ تولىق كۋرسىن العان قىزمەتكەرگە عانا كەڭسەدە جۇمىس ىستەۋگە رۇقسات ەتىلەدى.
Ashyq جوباسىنا قاتىساتىن قوعامدىق تاماقتانۋ ورىندارى ساعات 7:00-دەن 20: 00-گە دەيىن, «كوشباسشى» مارتەبەسىنە يە قاتىسۋشىلار 22:00-گە دەيىن جۇمىس ىستەيدى.
Ashyq جوباسىنا قاتىساتىن فۋد-كورتتارعا جۇمىس ۋاقىتىن 10:00-دەن 20:00-گە دەيىن بەلگىلەپ, اۋا رەتسيركۋلياتسياسىمەن جۇمىس ىستەۋگە رۇقسات ەتىلەدى.
مونشا جۇمىسىنا تىيىم سالىنادى. ال Ashyq جوباسىنا قاتىساتىن فيتنەس ورتالىقتارى, سپورتتىق كەشەندەر, ساۋىقتىرۋ ورتالىقتارى, ونىڭ ىشىندە يوگا ورتالىقتارى ساعات 6:00-دەن 20:00-گە دەيىن, «كوشباسشى» مارتەبەسى بار قاتىسۋشىلار 22:00-گە دەيىن اشىق بولادى.
Ashyq جوباسىنا قاتىساتىن ويىن-ساۋىق ورتالىقتارى, ساۋدا ۇيلەرى جانە ساۋدا جەلىلەرى 8:00-دەن 20:00-گە دەيىن, «كوشباسشى» مارتەبەسى بار قاتىسۋشىلار - 22:00-گە دەيىن جۇمىس ىستەيدى.
سەنبى مەن جەكسەنبى كۇندەرى بارلىق نىسان جابىق بولادى.
قۇجات تۋرالى جانە باسقا وبەكتىلەردىڭ جۇمىس رەجيمى تۋرالى تولىعىراق اقپاراتتى شىمكەنت قالاسىنىڭ سانيتاريالىق-ەپيدەميولوگيالىق باقىلاۋ دەپارتامەنتىنىڭ سايتىنان الۋعا بولادى.
قاۋلى 2 تامىزدا كۇشىنە ەنەدى.
