فوتو: tarbagatai-park.kz
تارباعاتاي گوز شەكاراسىندا ورنالاسقان قىزىلقايىڭ كەن ورنىندا پايدالى قازبالاردى (التىن, مىس, موليبدەن, پوليمەتالل كەندەرى) بارلاۋ جۇمىستارى باستالادى.
«وسىعان بايلانىستى تارباعاتاي ۇلتتىق پاركى اۋماعىنان 9 363 گا تاۋ-كەندىك جەر تەلىمىن شىعارۋ قاجەت, بۇل رەتتە قورىقتىڭ اۋدانى وزگەرىپ, 230 637 گەكتاردى قۇرايدى», دەپ جازىلعان قۇجاتتا.
تارباعاتاي مەملەكەتتىك تابيعي زوولوگيالىق قاۋمالى - ەرەكشە قورعالاتىن تابيعي اۋماق. ونىڭ باستى مىندەتى - فلورا مەن فاۋنانىڭ الۋان تۇرلىلىگى بار تابيعي كەشەندەردى, سونداي-اق بىرەگەي تابيعي لاندشافتاردى باستاپقى كۇيىندە ساقتاۋ.
«بۇل جاعدايدا تابيعاتتى قورعاۋ مەن تاۋ-كەن جۇمىستارىن ۇيلەستىرۋ مۇمكىن ەمەس», دەپ تۇسىندىرەدى جوبا اۆتورلارى.
ايتا كەتەيىك, قۇجات 2021 جىلدىڭ 10 تامىزىنا دەيىن تالقىلاۋعا اشىق.
