سپورت • 28 شىلدە، 2021

وليمپيادانىڭ ەڭ جاس سپورتشىلارى

270 رەت كورسەتىلدى

13 جاستاعى جاپون قىزى وليمپيادا چەمپيونى اتاندى. ول تورتجىلدىقتىڭ باستى دوداسىنا جاڭادان قوسىلعان سپورت – سكەيتبوردتىڭ «ستريت» ءتۇرى بويىنشا باق سىناعان ەدى. وسىلايشا، موميدجي نيسيا جازعى وليمپيادا تاريحىندا ەڭ جاس چەمپيون اتانعان سپورتشىلاردىڭ قاتارىنا قوسىلدى. وسى ورايدا ءبىز وقىرمانداردى XXXII جازعى وليمپيا ويىندارىنا قاتىسىپ جاتقان جاس سپورتشىلارىمەن تانىستىرۋدى ءجون كوردىك.

حەند زازا –12 جاس

سپورت ءتۇرى: ۇستەل تەننيسى

توكيوداعى وليمپيا ويىندارىنا قاتىسۋ ارقىلى حەند زازا بىرنەشە جەتىستىككە جە­تىپ وتىر. بىرىنشىدەن، ول – ۇستەل تەننيسىنەن ءوز ەلىنىڭ نامىسىن قورعايتىن العاشقى سيريالىق. ەكىنشىدەن، ول نەبارى 11 جاسىندا ىرىكتەۋ سىنىندا چەمپيون اتانىپ، وليمپياداعا جولداما الدى. ونىڭ ۇستىنە، تۇراقسىز ساياسي جاعدايعا بايلانىستى حەند زازا جىلىنا ەكى-ءۇش تۋرنيرگە عانا قاتىسقان.

كوكونا حيراكي – 12 جاس

سپورت ءتۇرى: سكەيتبوردينگ

تاعى ءبىر 12 جاستاعى سپورتشى ءوز جەرىندە ءوتىپ جاتقان وليم­پيادادا كۇنشىعىس ەلى­نىڭ اتىنان شىقتى. كوكون حيرا­كي ءساتىن سالسا، 1968 جىلى مەك­سيكادا وتكەن وليمپياداعا 13 جا­سىندا قاتىسقان جاپوندىق ءجۇ­­زۋشى يۋكاري تاكەموتونىڭ رە­كور­دىن بۇزادى دەگەن ءۇمىت بار. حي­راكي وتە جاس سپورت ءتۇرى سانا­لا­تىن سكەيتبوردينگتەن سىنعا تۇسپەك.

 

سكاي براۋن – 13 جاس

سپورت ءتۇرى: سكەيتبوردينگ

بريتانيالىق سكاي براۋن دا وليمپياداعا قاتىسقان ەڭ جاس سپورتشىنىڭ ءبىرى رەتىندە تىر­كەلدى. وسىدان ءبىر جىل بۇرىن عانا جاتتىعۋ بارىسىندا اۋىر جاراقات العان جاس سكەيتبوردشىنىڭ تو­كيوعا بارۋ-بارماۋى ەكى­تا­لاي بولعان ەدى. رامپتاعى ءبىر تريۋكتى ورىنداۋ كەزىندە قۇلاپ، باس سۇيەگىن جاراقاتتاپ، قولىن سىندىرىپ العان. سول كەزدە سپورتشىنىڭ ءوزى ء«تىرى قالعانىمنىڭ ءوزى ولجا بولدى» دەگەن بولاتىن. دەگەنمەن بارلىق جاراقاتىنان ايىققان براۋن قاتارعا قايتا قوسىلدى.

 

كۋان حۋنچان – 14 جاس

سپورت ءتۇرى: سۋعا سەكىرۋ

سۋ سپورتىنان قىتاي قۇرا­ماسىنىڭ دا نامىسىن تاعى ءبىر جاس دارىن قورعايدى. 14 جاس­تاعى كۋان حۋنچان 10 مەترلىك بيىك­تىكتەن سۋعا سەكىرۋ بويىنشا كوماندالىق جارىسقا قاتىسادى. شىناشاقتاي عانا سپورتشىنىڭ بارلىق ەلەمەنتتەردى حي­رۋر­­گيالىق دالدىكپەن ورىنداي­تىنى سونشالىق، ول سۋعا سەكىر­گەندە ءبىر تامشى دا شاشىرامايتىن كورىنەدى.

كەتي گريمس – 15 جاس

سپورت ءتۇرى: ءجۇزۋ

امەريكالىق جاس سپورتشى كەتي گريمس تا وسى جولى ءوزىنىڭ العاشقى وليمپياداسىنا قا­تىسىپ وتىر. ول جاس جاعىنان 2012 جىلى لوندوندا بەس التىن مەدال جەڭىپ الىپ، اتى اڭىزعا اينالعان وتانداسى كەتي لەدەكيدىڭ رەكوردىن قاي­تالادى.

 

سوڭعى جاڭالىقتار

ۇقساس جاڭالىقتار