قازاقستان پرەزيدەنتى اقمولا وبلىسىنا جۇمىس ساپارى بارىسىندا VECTOR410KZ جانە ACROS استىق جيناۋ كومبايندارىن قۇراستىراتىن «KazRost Engineering Ltd.» كاسىپورنىنا باردى.
كومپانيا ديرەكتورى قايرات قالمانباەۆتىڭ ايتۋىنشا, بىلتىر 29,5 ميلليارد تەڭگەگە 504 كومباين جاساپ شىعارىلعان. بيىل جىل سوڭىنا دەيىن 598 كومباين جانە YTO ماركالى 300 دوڭگەلەكتى تراكتوردىڭ ءتورت ءتۇرىن شىعارۋ جوسپارلانىپ وتىر. قازىرگى تاڭدا كاسىپورىندا 162 ادام جۇمىسپەن قامتىلعان.
مەملەكەت باسشىسى كومپانيانىڭ شىعارىپ جاتقان ءونىمى قازاقستاننىڭ سولتۇستىك وڭىرىندەگى تىڭ جەرلەر ءۇشىن ماڭىزدى ەكەنىن اتاپ ءوتتى.
«اۋىل شارۋاشىلىعى ماشينالارىن جاساۋ ءبىز ءۇشىن باسىم باعىت سانالادى. ۇكىمەت اۋىل شارۋاشىلىعى ماسەلەلەرىمەن اينالىسۋى قاجەت. الەمدە نە بولىپ جاتقانىن كورىپ وتىرسىزدار. ازىق-ت ۇلىكتىڭ باعاسى 40 پايىزعا قىمباتتادى. ءبىز ەلىمىزدەگى باعانى ۇستاپ تۇرۋعا تىرىسامىز. بىراق بۇل وڭاي ەمەس. اتالعان ماسەلەلەردى شەشەمىز. ارينە, قازاقستان اۋىل شارۋاشىلىعى دامىعان ەل بولۋى ءتيىس. ءبىز ءىس جۇزىندە ءوزىمىزدى اۋىل شارۋاشىلىعى ونىمدەرىمەن تولىق قامتاماسىز ەتۋگە كوشۋىمىز كەرەك. قازىر ءىرى كومپانيالارمەن جانە ينۆەستورلارمەن جۇمىس ىستەپ جاتىرمىز», دەدى پرەزيدەنت.
