الەم • 27 شىلدە، 2021

اقش-تىڭ يراكتاعى اسكەري ميسسياسى جىل سوڭىنا دەيىن توقتاتىلادى

24 رەت كورسەتىلدى

اقش پرەزيدەنتى دجو بايدەن مەن يراك پرەمەر-ءمينيسترى مۇستافا ءال-كازىمي يراكتاعى امەريكالىق اسكەري ميسسيانى توقتاتۋ تۋرالى كەلىسىمگە قول قويدى، دەپ حابارلايدى Egemen.kz Reuters اگەنتتىگىنە سىلتەمە جاساپ.

ەكى تاراپ اراسىندا ورناعان كەلىسىمگە سايكەس، اقش يراكتاعى اسكەري ميسسياسىن وسى جىلدىڭ سوڭىنا دەيىن رەسمي تۇردە اياقتايدى. بۇل – امەريكا اسكەرلەرى العاش رەت ەلگە جىبەرىلگەننەن كەيىن 18 جىل وتكەن سوڭ بولعالى تۇرعان وقيعا. اقش پرەزيدەنتى دجو بايدەن مەن يراك پرەمەر-ءمينيسترى مۇستافا ءال-كازىمي اراسىنداعى العاشقى بەتپە-بەت كەزدەسۋ ەلدەردىڭ ستراتەگيالىق ديالوگى اياسىندا اق ۇيدە ءوتتى.

ء«بىزدىڭ يراكتاعى ميسسيامىز جالعاسادى. بىرلەسكەن جاتتىعۋلاردى جالعاستىرامىز، تەرروريستىك توپتارعا قارسى كۇرەسكە كومەكتەسىپ، قاجەتتى جاعدايلاردى جاسايتىن بولامىز. الايدا وسى جىلدىڭ سوڭىنا دەيىن اسكەري ميسسيامىزدى توقتاتا تۇرامىز»، دەدى دجو بايدەن.

كەلىسىمگە قول قويىلعان ساتتەن باستاپ، اقش يراك ارمياسىن قورعاۋعا دايىندىق پەن قولداۋ كورسەتەتىن بولادى.

يراك پەن اقش-تىڭ بىرلەسكەن مالىمدەمەسىندە دەنساۋلىق ساقتاۋ، ەنەرگيا جانە باسقا دا ماسەلەلەر تۋرالى كەلىسىمدەر قوزعالدى.

اقش يراكقا COVAX باعدارلاماسى اياسىندا 500 000 Pfizer/BioNTech ۆاكتسينالارىن جەتكىزۋگە نيەتتى. امەريكا پرەزيدەنتىنىڭ ايتۋىنشا، جەتكىزۋ جۇمىستارى بىرنەشە اپتا ىشىندە جۇزەگە اسىرىلادى.

سونداي-اق اقش قازان ايىندا بۇۇ-نىڭ يراكتاعى الداعى سايلاۋدى باقىلاۋ ميسسياسىن قارجىلاندىرۋ ءۇشىن 5،2 ميلليون دوللار بولەتىن بولدى. 

سوڭعى جاڭالىقتار

ەڭبەكپەن ەسەيگەن ەر

قازاقستان • كەشە

بەيتانىس ساعىنىش

الەم • كەشە

جالعىزدىق ارالى

كينو • كەشە

ەلوردادا قار جاۋادى

قازاقستان • كەشە

بۇگىن ماشينا جاساۋ كۇنى

قازاقستان • كەشە

سقو-دا جۇك كولىگى جىلۋ قۇبىرىنا سوعىلدى

ايماقتار • 25 قىركۇيەك، 2021

ۇقساس جاڭالىقتار