قازاقستان • 27 شىلدە، 2021

ەلگە ورالعان ەلدوس سمەتوۆكە كولىك سىيلادى

1516 رەت كورسەتىلدى

توكيو وليمپياداسىنىڭ قولا جۇلدەسىن يەلەنگەن دزيۋدوشى ەلدوس سمەتوۆ بۇگىن تاڭعى 4:20-دا الماتىعا ۇشىپ كەلدى. اۋەجايدا سپورتشىعا سۋ جاڭا اۆتوكولىك سىيعا تارتىلدى، دەپ حابارلايدى Egemen.kz.

كۇتىپ الۋشىلاردىڭ اراسىندا سپورتشىنىڭ تۇڭعىش باپكەرى دە بولدى. شاكىرتىنىڭ جەتىستىگىنە قۋانعان جاتتىقتىرۋشى ەلدوس سمەتوۆتى قارسى العان ساتىندە كوز جاسىنا ەرىك بەردى.

«ناعىز چەمپيون وسى كىسى. مەنىڭ العاشقى جاتتىقتىرۋشىم. مەنى سپورتتا ءوزىنىڭ كىشكەنتاي بالاسىنداي الاقانىندا ۇستاپ وسىرگەن باپكەرىم»، دەدى ەلدوس سمەتوۆ.

اۋەجايدا ەكى دۇركىن وليمپيادا جۇلدەگەرىنىڭ قۇرمەتىنە وراي شاشۋ شاشىلىپ، ءتىپتى سۋ جاڭا اۆتوكولىكتىڭ كىلتى سىيعا تارتىلدى.

«وليمپيادا وتە كەرەمەت ءوتتى. زالدىڭ بوس بولعانى ءبىز ءۇشىن ىڭعايسىز بولدى. ەڭ قيىن بولعان بەلدەسۋ ول – اقتىق سايىسقا جولداما بەرىلەتىن فينالدىق بەلدەسۋلەر. وسىلاي بۇيىرىپ تۇر ەكەن. وسىنىڭ وزىنە قۋانىشتىمىن. مەنىڭ ەلىم، جەرىم، حالقىم ء«ۇشىنشى ورىندى» ءبىرىنشى ورىن رەتىندە قابىلداپ، مەنى وليمپيادا چەمپيونى رەتىندە كۇتىپ الدى»، دەدى ەلدوس سمەتوۆ.

سوڭعى جاڭالىقتار

ەڭبەكپەن ەسەيگەن ەر

قازاقستان • كەشە

بەيتانىس ساعىنىش

الەم • كەشە

جالعىزدىق ارالى

كينو • كەشە

ەلوردادا قار جاۋادى

قازاقستان • كەشە

بۇگىن ماشينا جاساۋ كۇنى

قازاقستان • كەشە

سقو-دا جۇك كولىگى جىلۋ قۇبىرىنا سوعىلدى

ايماقتار • 25 قىركۇيەك، 2021

ۇقساس جاڭالىقتار