ەڭبەك جانە حالىقتى الەۋمەتتىك قورعاۋ مينيسترلىگىنىڭ جازۋىنشا, 9,4 مىڭ مۇگەدەكتىگى بار ادام جۇمىسقا ورنالاستىرىلعان. ونىڭ ىشىندە 3,3 مىڭى - تۇراقتى, 6,1 مىڭى الەۋمەتتىك جۇمىس ورىندارى, جاستار تاجىريبەسى جانە قوعامدىق جۇمىستار سىندى ۋاقىتشا جۇمىسپەن قامتىلدى. 362 ادام قىسقامەرزىمدى كاسىپتىك وقىتۋعا جىبەرىلدى.
«باستاۋ بيزنەس» جوباسى بويىنشا كاسىپكەرلىك نەگىزدەرىنە مۇگەدەكتىگى بار1185 ادام وقىتىلدى, ونىڭ ىشىندە 127-ءسى جوباسىن قورعاپ شىقسا, 45-ءى گرانت, ەكەۋى شاعىن نەسيە الدى.
سونداي-اق, «ەڭبەك» مەملەكەتتىك باعدارلاماسى اياسىندا 158 ادام شاعىن نەسيە السا, تاعى 524 مۇگەدەكتىگى بار ادامعا قايتارىمسىز گرانت ءبولىندى.
بۇدان باسقا, مبا ارنالعان جۇمىس ورىندارى كۆوتاسى شەڭبەرىندە 4,4 مىڭ ادام جۇمىسقا ورنالاستىرىلدى. حالىقارالىق تاجىريبە نەگىزىندە, مۇگەدەكتىگى بار ادامداردى جۇمىسقا ورنالاستىرۋ ءۇشىن ارنايى جۇمىس ورنىن جابدىقتاۋعا جۇمىس بەرۋشىلەردىڭ شىعىنىن سۋبسيديالاۋ ەنگىزىلدى.
2021 جىلى كورۋ, ەستۋ جانە تىرەك-قيمىل اپپاراتى بۇزىلعان ادامدار ءۇشىن 251,8 ملن تەڭگە سوماسىنا 113 ارنايى جۇمىس ورنىن قۇرۋ جوسپارلانعان. اعىمداعى جىلدىڭ 1 شىلدەسىندەگى جاعداي بويىنشا 19,3 ملن تەڭگە يگەرىلىپ, 9 ارنايى جۇمىس ورنى قۇرىلدى.
