وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتىنىڭ مالىمەتىنە سۇيەنسەك, وتكەن تاۋلىكتە 420 ادام كوروناۆيرۋس ينفەكتسياسىن جۇقتىرعان.
اتىراۋ قالاسىندا قاۋىپتى ۆيرۋستى جۇقتىرۋدىڭ 268 جاعدايى تىركەلگەن. تەڭىز كەن ورنىندا 39, جىلىوي اۋدانىندا 50, قىزىلقوعادا – 17, قۇرمانعازىدا – 14, يندەردە – 12, يساتايدا – 9, ماقاتتا – 6, ماحامبەت اۋدانىندا 5 ادامنان كوروناۆيرۋس بەلگىسى انىقتالىپ وتىر.
«قازىر 3 443 ادام ءۇي جاعدايىندا ەمدەلۋگە وقشاۋلاندى. اۋداندارداعى ينفەكتسيالىق ستاتسيونارلاردا 361, تەڭىز كەن ورنىنداعى ستاتسيوناردا 218, ال, №2 وبلىستىق اۋرۋحانادا 205, مودۋلدىك اۋرۋحانادا 196, تەمىر جول اۋرۋحاناسىندا 109, كاردولوگيالىق ورتالىقتا 103, فتيزيوپۋلمونولوگيا ورتالىعىندا 98 ناۋقاس ەمدەلىپ جاتىر. سونداي-اق, رەزەرۆتەگى جاتاقحاناعا 17 پاتسيەنت ورنالاستىرىلدى», دەپ حابارلادى باسقارمانىڭ ءباسپاسوز قىزمەتى.
