ساۋالناماعا ەلدىڭ بارلىق وڭىرىنەن, ونىڭ ىشىندە 260-تان استام ەلدى مەكەندەر مەن وزگە ەل تۇرعىندارىن قوسا العاندا 9 مىڭ رەسپوندەنت قاتىستى.
ناتيجەسىندە ورتالىق مەملەكەتتىك ورگاندار اراسىندا ءبىرىنشى ورىنعا ۇلتتىق ەكونوميكا مينيسترلىگى شىقتى - 4,87 بالل جانە قاناعاتتانۋ دەڭگەيى 88,1%.
ەكىنشى جانە ءۇشىنشى ورىندا قورعانىس مينيسترلىگى (4,86 نەمەسە 88,7%) مەن مەملەكەتتىك قىزمەت ىستەرى اگەنتتىگى (4,86 نەمەسە 85%).
رەيتينگتىڭ اۋتسايدەرلەرى قاتارىندا تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى, اقپارات جانە قوعامدىق دامۋ مينيسترلىگى, يندۋستريا جانە ينفراقۇرىلىمدىق دامۋ مينيسترلىگى بار.
جەرگىلىكتى اتقارۋشى ورگاندار اراسىندا ءبىرىنشى ورىندى اقمولا وبلىسى (4,73 باللا نەمەسە 80,3%) الدى. ەكىنشى جانە ءۇشىنشى ورىندا پاۆلودار (4,71 نەمەسە 78,4%) جانە شىعىس قازاقستان (4,68 نەمەسە 77,2%) وبلىستارى.
وڭىرلەر رەيتينگىنىڭ اۋتسايدەرلەرى: شىمكەنت, الماتى جانە نۇر-سۇلتان قالاسى تۇر.
مونيتورينگ بارىسىندا رەسپوندەنتتەر كەرى بايلانىستىڭ السىزدىگىنە, قىزمەتتەردىڭ اشىق قولجەتىمدىلىگىنە كوڭىلى تولمايتىنىن ءبىلدىردى. سونداي-اق مەملەكەتتىك قىزمەتتەردى كورسەتۋدىڭ جەكەلەگەن پروتسەستەرىن اۆتوماتتاندىرۋ, اقپاراتتىق جۇيەلەردى «ەلەكتروندىق ۇكىمەت» پورتالىمەن ينتەگراتسيالاۋ بويىنشا ۇسىنىستار كەلىپ ءتۇستى.
بۇگىن مۇددەلى مەملەكەتتىك ورگاندارعا 2020 جىلى وتكىزىلگەن قوعامدىق مونيتورينگ ناتيجەلەرى جولداندى, وسىنىڭ نەگىزىندە مەملەكەتتىك قىزمەت كورسەتۋ ساپاسىنا قوعامدىق مونيتورينگ ەسەبىندە كورسەتىلگەن ۇسىنىمداردى ورىنداۋ بويىنشا شارالار قابىلداناتىن بولادى. ءوز كەزەگىندە قوعامدىق مونيتورينگ ۇسىنىمدارىن ورىنداۋ مەملەكەتتىك قىزمەت ىستەرى اگەنتتىگىنىڭ تۇراقتى باقىلاۋىندا.
