قوستاناي وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ ۇكىمىمەن جۇبايىن ولتىرگەنى ءۇشىن قوستاناي وبلىسى اۋليەكول اۋدانىنىڭ تۇرعىنى م. سوتتالدى.
«2021 جىلعى 6 ناۋرىزدا م. اۋليەكول اۋدانى لاۆرەنتەۆكا كەنتىندە بولعان جانجال بارىسىندا ول ايەلىن باسىنا تاققان ورامالىمەن قىلقىندىرىپ ولتىرگەن. قىلمىستىڭ ءىزىن جاسىرۋ جانە قىلمىستىق جاۋاپكەرشىلىكتەن قۇتىلۋ ماقساتىندا م. ايەلىنىڭ ءمايىتىن ەسكى قۇدىققا لاقتىرعان», دەپ حابارلادى وبلىستىق سوت.
م. كىناسى ونىڭ مويىنداۋىمەن, سونداي-اق قىلمىستىق ءىس ماتەريالدارىمەن, ونىڭ ىشىندە سوت ساراپتاماسىنىڭ قورىتىندىسىمەن دالەلدەندى.
«م-نىڭ ءبىرىنشى رەت سوتتالىپ وتىرعانىن, كىناسىن مويىنداعانىن, جاساعان ىسىنە شىن جۇرەكتەن وكىنەتىنىن, كىنانى اۋىرلاتاتىن ءمان-جايلاردىڭ جوعىن ەسكەرە وتىرىپ, سوت وعان ەڭ جوعارى قاۋىپسىزدىك قىلمىستىق-اتقارۋ جۇيەسى مەكەمەسىندە 10 جىل باس بوستاندىعىنان ايىرۋ جازاسىن تاعايىندادى. جابىرلەنۋشى تاراپقا مورالدىق زياندى وتەۋ ەسەبىنەن 5 ملن تەڭگە جانە 500 مىڭ تەڭگە وكىلدىك شىعىستار ءوندىرىپ الىندى», دەپ قورىتىندىلادى سوتتا.
ۇكىم زاڭدى كۇشىنە ەنگەن جوق.
