وبلىستىق تجد مالىمەتىنشە, قاۋىپسىزدىك شارالارىنا سايكەس سۋ جانىندا دەمالۋعا تەك دەمالىس بازالارىندا عانا رۇقسات ەتىلگەن. الايدا ايماق تۇرعىندارى وقشاۋ جەرلەردە, شومىلۋ تىيىم سالىنعان جاعاجايلاردا ۋاقىت وتكىزۋدى ءجون كورەدى. قۇتقارۋشىلار مۇنداي جەرلەردە سۋ ءتۇبىنىڭ لاندشافتىن بىلمەۋ قاۋىپى بار ەكەنىن اتاپ ءوتتى.
«كەيبىر ۋچاسكەدە سۋ ءتۇبى كورىنبەيدى. سۋ اعىنى جاعانى شايىپ, توپىراعىن اعىزىپ اكەتەدى. بۇل دەگەنىڭ ءبىر جىل بۇرىن تىزەدەن اسپايتىن جەر قازىرگى ۋاقىتتا تەرەڭ بولىپ شىعۋى مۇمكىن.
دەمالۋ ءۇشىن وسىنداي قاۋىپتى ۋچاسكەنى تاڭداۋ تاعى ءبىر قايعىلى جاعدايعا سەبەپشى بولدى. كەشە, نوۆوسترويكا اۋىلىندا, بۇقتىرما سۋ قويماسىنىڭ جاعاسىندا تىيىم سالىنعان جەردە شومىلىپ, 37 جاستاعى كەلىنشەك سۋعا باتىپ كەتتى», دەلىنگەن حابارلامادا.
وبلىستىق تجد تۇرعىندارعا رۇقسات ەتىلمەگەن سۋ قويمالارىنا بارماۋعا كەڭەس بەرەدى.
«دەمالىس ءۇشىن تەك جابدىقتالعان شومىلۋ ورىندارىن تاڭداۋ كەرەك, وندا سۋ ايدىنىنىڭ ءتۇبى الدىن الا تەكسەرىلگەن جانە قۇتقارۋشىلار بەكەتى بار. سۋدا دەمالۋدى تاڭداعاندا ساق بولىڭىز. بالالاردى قاراۋسىز قالدىرماڭىز. توتەنشە جاعداي تۋىنداعان كەزدە 112 نومىرىنە جەدەل تۇردە حابارلاسۋ كەرەك», دەلىنگەن حابارلامادا.
