«قولدانىستاعى زاڭناماعا سايكەس, قۇقىق قورعاۋ ورگاندارى اكىمشىلىك ءىس جۇرگىزۋدى زارداپ شەگۋشىنىڭ ءوتىنىشىنسىز دە ىسكە اسىرا الادى. دەگەنمەن وتباسىلىق زورلىق-زومبىلىق كورگەن ايەل, ياعني زارداپ شەگۋشى, كوپ جاعدايدا كۇيەۋىنە پسيحولوگيالىق, قارجىلىق جاعىنان تاۋەلدى بولعاندىقتان ماسەلەنى ۋشىقتىرعىسى كەلمەي, تاتۋلاسۋعا كەلىسىمىن بەرەدى. وتكەن جىلى بىزگە ەلىمىز بويىنشا تۇرمىستىق زورلىق-زومبىلىقتىڭ قۇربانىمىن دەپ جازىلعان 190 مىڭ ءوتىنىش كەلىپ ءتۇستى. سونىڭ 4/1 عانا سوتقا دەيىنگى تەرگەۋگە جىبەرىلدى. جالپى, زورلىق-زومبىلىققا قاتىستى اكىمشىلىك ءىس جۇرگىزۋدىڭ 60 پايىزى ەكىجاقتىڭ تاتۋلاسۋىنا بايلانىستى توقتىلادى. وسى ورايدا ءبىز تۇرمىستىق زورلىق-زومبىلىق ورىن العان جاعدايدا ەكىجاقتىڭ تاتۋلاسۋ پروتسەسىن قايتا قاراۋدى قولعا الىپ جاتىرمىز. ياعني, الداعى ۋاقىتتا كۇيەۋى تاراپىنان ايەلىنە قول كوتەرۋ قايتالانعان جاعدايدا, تاتۋلاسۋدى بولدىرماۋ جوسپاردا بار», دەدى الەكسەي ميليۋك قر ءىىم-دە ونلاين وتكەن ءباسپاسوز ءماسليحاتىندا.
