بۇعان دەيىن ءبىلىم جانە عىلىم مينيسترلىگى ۆەدومستۆو باسشىسى اسحات ايماعامبەتوۆ ستۋدەنتتەر مەن وقىتۋشىلاردىڭ دەنساۋلىعىن قورعاۋ ءۇشىن ۆاكتسيناتسيالاۋعا ىنتالاندىرۋ جونىندەگى تاپسىرماسى تۋرالى حابارلاعان بولاتىن.
«وسىعان وراي, ەلدەگى 20 جوعارى وقۋ ورنى جەدەل شارالار قابىلداپ, بۇگىنگى تاڭدا ءتىزىم تاعى 10 ۋنيۆەرسيتەتپەن تولىقتىرىلدى. وسىلايشا, جوعارى وقۋ ورىندارىنىڭ رەكتورلارى الەمدە جۇرگىزىلىپ جاتقان جاپپاي ۆاكتسيناتسيا قارقىنىن كۇشەيتۋ جونىندەگى جۇمىستى قولدايتىنىن بىلدىرۋدە», دەلىنگەن حابارلامادا.
ستۋدەنتتەر مەن وقىتۋشىلاردى ۆاكتسيناتسيالاۋعا ىنتالاندىرۋ ءۇشىن قولدانىلعان ناقتى شارالار مەن جوعارى وقۋ ورىندارىنىڭ ءتىزىمى:
Satbayev University
ۆاكتسيناتسيالانعان ستۋدەنتتەر ءۇشىن:
- جەكە ستارتاپ اشۋعا 5 ملن تەڭگە گرانت;
- جوو جاتاقحانالارىندا تۇرۋ ءۇشىن 20 ورىن;
- ەلدەگى نەمەسە شەتەلدەگى جەتەكشى كومپانيالاردا وندىرىستىك تاجىريبەدەن وتۋگە جۇمسالعان شىعىنداردى تولىق وتەۋ;
- Qoldau بيزنەسكە ارنالعان تسيفرلىق پلاتفورمامەن بىرلەسىپ كاسىپكەرلىك داعدىلاردى دامىتۋ كۋرستارىنا 100 سەرتيفيكات;
- سەسسيانى ۋاقىتىندا تاپسىرماعان ستۋدەنتتەرگە كۋرستاردان ەكىنشى مارتە تەگىن ءوتۋ جانە 3 كرەديتتى قايتا تەگىن تاپسىرۋ مۇمكىندىگى;
- وفلاين-قىزىقتى شىعارماشىلىق, عىلىمي, سپورتتىق ءىس-شارالارعا (مەيكاتوندار, حاكاتوندار, تۋرنيرلەر, كونتسەرتتەر جانە ت. ب.) قاتىسۋ مۇمكىندىگى.
ۆاكتسيناتسيالانعان قىزمەتكەرلەر مەن پەداگوگيكالىق وقىتۋشىلار قۇرامى ءۇشىن:
- ورتاشا جالاقىسىن ساقتاي وتىرىپ, جۇمىستان 2 كۇنگە بوساتۋ;
-10 قىزمەتكەرگە وسى جىلدىڭ سوڭىنا دەيىن جوو جاتاقحانالارىندا تۇرۋىنا 50% جەڭىلدىك.
قاراعاندى تەحنيكالىق ۋنيۆەرسيتەتى
- 2022 جىلدىڭ جازىنا ستۋدەنتتەر اراسىندا «پوليتەحنيك» سپورتتىق-ساۋىقتىرۋ لاگەرىنە تەگىن جولدامالار ۇتىس ويىنى;
- 2022 جىلدىڭ جازىنا «پوليتەحنيك» سپورتتىق-ساۋىقتىرۋ لاگەرىنە وقىتۋشىلار مەن قىزمەتكەرلەر اراسىندا تەگىن جولدامالار ۇتىس ويىنى;
- كۇزگى سەمەستردە ستۋدەنتتەرگە اعىلشىن ءتىلى كۋرستارىنا تەگىن قاتىسۋ;
- باسقارما توراعاسى جوو رەكتورىنىڭ ستيپەنديالارىن تاعايىنداۋ كەزىندەگى باسىمدىق.
تولىق ءتىزىم قر ءبىلىم جانە عىلىم مينيسترلىگىنىڭ رەسمي سايتىندا جاريالانعان.
