ءىىم اسكەري تەرگەۋ باسقاراماسى تۇركسىتان وبلىسىندا جالعان مەديتسينالىق انىقتاما جاساعان ءۇش تۇرعىندى انىقتادى. سونداي-اق قازاقستان-وزبەكستان شەكاراسىنان وتۋشىلەرگە جالعان مەديتسينالىق انىقتاما جاساپ بەرگەن سارىاعاش اۋداندىق اۋرۋحاناسىنىڭ مەدبيكەسى ۇستالدى. تەرگەۋشىلەردىڭ ايتۋىنشا, ول قازاقستانداعى اۋرۋحانانىڭ شاقىرتۋ قاعازىن 3000-8000 تەڭگە ارالاعىندا جاساپ بەرگەن. كۇدىكتىنىڭ ءۇيى مەن جۇمىس ورنىن ءتىنتۋ بارىسىندا الدىن الا ءمور باسىلعان 1266 مەديتسينا بلانكاسى تابىلدى. قازىر قر قىلمىستىق كودەكسىنىڭ 385-بابى بويىنشا سوتقا دەيىنگى تەرگەۋ امالدارى ءجۇرىپ جاتىر.
«جالعان قۇجات جاساعاندارعا 4 جىلعا دەيىن باس بوستاندىعىنان ايىرۋ قىلمىستىق جازاسى, ال جالعان قۇجاتتى قولدانعاندار ءۇشىن 40 تاۋلىككە قاماۋ قاراستىرىلعان», دەپ ەسكەرتەدى ءىىم وكىلى.
