اقتوبە قالاسىندا 31 جاستاعى ايەل 40 جاستاعى ەر ادامنان ورتاق تۇرعىن ءۇي ساتىپ الۋ ءۇشىن 14 ميلليون تەڭگە اقشاسىن العان. كەيىن ءبىر اي بويى ايەل ادام حابارسىز كەتكەندىكتەن, جابىرلەنۋشى پوليتسياعا جۇگىندى. اتالعان فاكتى بويىنشا قر قك 190-بابى 3-بولىگى (الاياقتىق) بويىنشا قىلمىستىق ءىس قوزعالدى. الاياقتىقتىڭ تاعى ءبىر دەرەگى تىركەلدى. 31 جاستاعى جەرگىلىكتى تۇرعىن ۆاز-2115 كولىگىن ساتپاق بولادى.
ءبىر قالا تۇرعىنى وعان كولىگىن الدەقايدا قىمباتقا ساتىپ بەرە الاتىنى تۋرالى ۇسىنىس ايتقان. كولىك يەسى وعان سەنىپ, كولىگىن تابىستاعان. كەيىن كۇدىكتى ءۇش اي بويى جابىرلەنۋشىدەن جاسىرىنىپ جۇرگەن, سول سەبەپتى جابىرلەنۋشى پوليتسياعا جۇگىندى.
پوليتسيا قىزمەتكەرلەرى كۇدىكتىنى ۇستاپ, انىقتادى. ول بۇرىن الاياقتىق ءۇشىن قىلمىستىق جاۋاپكەرشىلىككە تارتىلعان 26 جاستاعى جاس جىگىت بولىپ شىقتى. اتالعان ءىس بويىنشا سوتقا دەيىنگى تەرگەۋ باستالدى. جالپى شىعىن ءبىر ميلليون تەڭگەنى قۇرادى.
