فوتو olympics.com
توكيو وليمپياداسىن وتكىزۋ نۇسقاۋلىعى مەن عىلىمي كەڭەسكە سايكەس, جەڭىمپازداردى ماراپتتاۋ ءراسىمىنىڭ حاتتاماسى وزگەرتىلدى. ەندى سپورتشىلارعا سپورتتىق مانسابىنداعى ەرەكشە ءساتتى سۋرەتكە, ۆيدەوعا ءتۇسىرۋى ءۇشىن 30 سەكۋند ماسكا تاقپاي تۇرۋعا رۇقسات بەرىلدى.
ءانۇران تولىق ورىندالعاننان كەيىن, جەڭىس تۇعىرىندا تۇرعان سپورتشىلارعا فوتوعا ءتۇسۋ ءۇشىن 30 سەكۋندقا ماسكا شەشۋگە بولاتىنى جونىندە بەلگى بەرىلەدى. بۇل ۋاقىتتا سپورتشىلار ءبىر-بىرىنە جاقىنداماي, بەلگىلەنگەن ورنىندا تۇرۋعا مىندەتتى. سۋرەتكە ءتۇسۋ اياقتالعاندا قايتادان ماسكا تاعىلۋى ءتيىس.
ال كۇمىس جانە قولا جۇلدەگەرلەر التىن مەدال يەگەرىمەن بىرگە سۋرەتكە ءتۇسۋى ءۇشىن ماسكا كيۋى كەرەك.
جاڭا حاتتاما بۇگىن تاڭەرتەڭ قولدانىسقا ەندى جانە جاقىن كۇندەرى بارلىق جارىس الاڭىندا قولدانىلا بەرەدى.
