يسپانيانىڭ مۋرسيا وڭىرىندە دۇنيەگە كەلگەن لۋيس لەون 2004 جىلدان بەرى كاسىپقويلار اراسىندا باق سىناپ ءجۇر. بۇعان دەيىن ءتۇرلى كوماندالاردىڭ ساپىندا بولعان ول 2015 جىلدان بەرى «استانانىڭ» ساپىندا ونەر كورسەتۋدە. سول كەزدەن بەرى سانچەس ءتۇرلى ءدۇبىرلى دودالاردا دارالانىپ, قازاقستاندىق جانكۇيەرلەردىڭ ىستىق ىقىلاسىنا بولەندى.
«كلاسسيكا پرۋەبا-ۆيليافرانكا-دە-ورديسيا» سايىسىندا سانچەس 165,7 شاقىرىمدىق قاشىقتىقتى 3 ساعات 51 مينۋت 30 سەكۋندتا ءجۇرىپ ءوتتى. «UAE-Team Emirates» كلۋبىنىڭ جەيدەسىن كيگەن ونىڭ وتانداسى ايۋسو حۋان مارە سىزىعىن ەكىنشى بولىپ قيىپ ءوتتى. ءۇشىنشى ورىندا «Equipo Kern Pharma» كومانداسىنىڭ سەركەسى ادريا رودجەر. ول دا يسپانيانىڭ تۋماسى.
