فوتو astana.gov.kz
كۇن سايىن مونيتورينگ توپتارى قالانىڭ 100-دەن استام كاسىپكەرلىك نىسانىندا سانيتارلىق نورمالار مەن شەكتەۋ شارالارى ساقتالعانىن انىقتايدى.
2021 جىلعى 1 قاڭتار مەن 23 شىلدە ارالىعىندا اۋداندىق سانيتاريالىق-ەپيدەميولوگيالىق باقىلاۋ باسقارمالارى شەكتەۋ جانە كارانتين شارالارىن بۇزعانى ءۇشىن جالپى سوماسى 163 ملن تەڭگەگە 822 جەكە, زاڭدى تۇلعانى اكىمشىلىك جاۋاپكەرشىلىككە تارتتى.
تەك ءبىر تاۋلىك ىشىندە, 24 شىلدەدە 39 نىساندا كارانتين بۇزىلعانى انىقتالدى. مەكەمە قىزمەتكەرلەرى ماسكا رەجيمىن, الەۋمەتتىك قاشىقتىقتى, جۇمىس رەجيمىن ساقتاعان جوق, سونىمەن قاتار كەلۋشىلەردىڭ جاپپاي جينالۋىنا جول بەرىلدى.
سارىارقا اۋدانىندا بۇل تىزىمگە «ستامبۋل», «بارمالەي», «اي», «سۋلتانشى», «سەۆدا» كافەلەرى, «مياتا» لاۋندج-بارى, «سچاستە», «و ازامات» مەيرامحانالارى, بەيسەكوۆا كوشەسىندەگى اكسەسسۋارلار دۇكەنى كىردى.
ەسىل اۋدانىنىڭ مونيتورينگتىك توبى 12 نىساندا: «Aura Verdant», «سەكسەۋىل», «La Terrazza», «Veranda» مەيرامحانالارىندا, «Rayan», «Opus One», «Baoli» كافەلەرىندە, «KartMax» كارتينگ-كلۋبىندا, «Koleso» بارىندا, «Zima" بارلار گالەرەياسىندا, «Maktub" شىعىس كوفەحاناسىندا جانە جەلماي كوشەسىندەگى مونشا كەشەنىندە كارانتين بۇزىلعانىن تىركەدى.
الماتى اۋدانىندا ورنالاسقان تاعى 6 مەكەمە شەكتەۋ شارالارىن ەلەگەن جوق. ونىڭ ىشىندە «باق ساراي», «اقوتاۋ» مەيرامحانالارى, «شاشلىچكا» كافەسى, «كاريما» پالاۋ ورتالىعى, «سولت» بارى, «مياتا» لاۋندج-بارى بار.
بايقوڭىر اۋدانىندا ءتارتىپ بۇزۋشىلار تىزىمىنە «شيفۋ», «پوشاشلىچيم» كافەلەرى, «ارزان», «ورچەسترا», «ەلسان», «مانگو», «Explore», «12 اي», «اۆتودوم», «استىقجان» سو, «الاش» ءسۇ, «بيگ شانحاي» بازارى ەندى.
ءتارتىپ بۇزۋشىلارعا قاتىستى جينالعان ماتەريالدار ءتيىستى شارالار قابىلداۋ ءۇشىن اۋداندىق سانيتارلىق-ەپيدەميولوگيالىق باقىلاۋ باسقارماسىنا تاپسىرىلدى.
«ەستەرىڭىزگە سالا كەتەيىك, نۇر-سۇلتانداعى ەپيدەميولوگيالىق احۋال تۇراقسىز. كۇن سايىن قالادا كوروناۆيرۋستىڭ 1300 جاعدايى انىقتالادى. ەلوردا تۇرعىندارى مەن قوناقتارى, سونداي-اق كاسىپكەرلىك نىساندارى سانيتارلىق نورمالاردى جانە كارانتين رەجيمىنىڭ تالاپتارىن قاتاڭ ساقتاۋى ءتيىس. سول سياقتى بەتپەردە تاعۋ, ادام كوپ جينالاتىن جەرلەرگە بارۋدان اۋلاق بولۋ جانە ت.ب. ۇسىنىلادى.
بۇل رەتتە قاۋىپتى ۆيرۋسپەن كۇرەسۋ ءۇشىن ءبىر عانا كارانتين تالاپتارىن ساقتاۋ جەتكىلىكسىز. حالىقتى جاپپاي ۆاكتسيناتسيالاۋ ارقىلى ۇجىمدىق يممۋنيتەتتى قالىپتاستىرۋدىڭ ماڭىزى زور», دەپ جازادى اكىمدىك سايتى.
