سايلاۋ • 26 شىلدە، 2021

ءوز تاڭداۋىن جاسادى

24 رەت كورسەتىلدى

ەل پرەزيدەنتىنىڭ ساياسي رەفورمالار پاكەتىنىڭ نەگىزگى با­عىتتارىنىڭ ءبىرى – اۋىل اكىمدەرىنىڭ سايلاۋىنا اقتوبە وب­لى­سىنىڭ اۋىل تۇرعىندارى ەرەكشە بەلسەندىلىكپەن قاتىستى.

سايلاۋشىلار 74 سايلاۋ ۋچاسكەسىندە اققۇدىق اۋىلى مەن 34 اۋىلدىق وكرۋگ اكىمدەرىن تاڭدادى. ايتەكە بي، قارعالى، مارتوك، شالقار، حرومتاۋ اۋداندارىنىڭ سايلاۋشىلارى اسا بەلسەندىلىك تانىتتى.

سونداي-اق اۋىل اكىمدەرىن سايلاۋ كەزىندە قوعامدىق قاۋىپ­سىز­دىكتى ساقتاۋعا وبلىس بويىنشا 196 پوليتسيا قىزمەتكەرى جۇ­مىلدىرىلدى. ولاردان باسقا، 74 پوليتسيا قىزمەتكەرى وبلىس ورتالىعىنان 12 اۋدانعا سايلاۋ ۋچاسكەلەرىنە بيۋللەتەندەر جەتكىزۋگە قاتىستى.

العا اۋدانىنىڭ توقمان­ساي جانە ۇشقۇدىق اۋىلدىق وكرۋگ­تەرىنىڭ اكىمى بولۋعا 6 كان­ديدات تالاسقا ءتۇستى. باي­عانين اۋدانىنىڭ كولتابان، سار­توعاي، قىزىلبۇلاق اۋىلدىق وكرۋگ­تەرى مەن ايتەكە بي اۋدانى­­نىڭ ت.جۇرگەنوۆ، ايكە، جام­بىل، ۇشقاتتى، تۇمابۇلاق، ارال­توعاي، قايراقتى اۋىل­دىق وكرۋگ­تەرىنىڭ اكىمى بولۋعا ءبىر ورىنعا ءۇش كانديداتتان كەلگەن.

مۇعالجار اۋدانىنداعى 1225 تۇرعىنى بار قايىڭدى اۋىلدىق وكرۋگىنىڭ اكىمى بولۋعا سايلاۋعا ءۇش كانديدات ءتۇستى. ولار «اقجول» دەمو­كرا­تيا­لىق پارتياسىنان – دجالي ابديەۆ، Nur Otan پارتياسىنان – نۇربولات جالعاس جانە ءوزىن ءوزى ۇسىنعان رۋسلان تورەبەكوۆ. جەكسەنبى كۇنى وسى وكرۋگكە كىرەتىن التىندى جانە قايىڭدى ەلدى مەكەندەرىنىڭ 712 سايلاۋشىسى ولارعا تاڭداۋىن جاسادى.

قوبدا اۋدانىنىڭ ي.قۇر­مانوۆ اتىنداعى، ساربۇلاق، تال­دىساي، جارساي، تەرىساققان اۋىلدىق وكرۋگتەرىنىڭ سايلاۋ­شىلارى 8 ۋچاسكەدە داۋىس بەردى.

ي.قۇرمانوۆ اتىنداعى اۋىل­دىق وكرۋگ اقساقالدار كەڭەسىنىڭ توراعاسى جانىبەك انيشوۆ ەگىن­دىبۇلاق ەلدى مەكەنىندەگى ورتا مەكتەپتە ورنالاسقان №443 ساي­لاۋ ۋچاسكەسىنە تاڭەر­تەڭ­گى­لىك ۋاقىتتا كەلىپ داۋىس بەر­دى. اق­ساقال اۋىل اكىمى ءىستىڭ كوزىن تابا بىلەتىن شەبەر ۇيىم­داس­تى­رۋشى بولا ءبىلۋى كەرەك دەگەن پىكىردە.

«اۋىل اكىمىن ۇلكەن جۇمىس كۇتىپ تۇر. بيىلعى قۋاڭشىلىق ەلگە وڭاي تيگەن جوق. قىسقا دا­يىندىق، وتىن-سۋ ازىرلەۋ، جۇ­مىسسىزداردى كاسىپتىك باعدار بەرۋ كۋرستارىنا جىبەرۋ، جاس ماماندار تارتۋ، كوگالداندىرۋ سياقتى قىرۋار جۇمىستاردى ۇزدىكسىز جۇرگىزۋ كەرەك. تەك سوندا عانا جۇمىستىڭ ناتيجەسى كورىنەدى. اۋىلدا ەرىنبەگەن ادامعا تابىس كوزى كوپ. وسى جاعىنان اۋىل اقساقالدارى سايلانعان اكىمگە قولدان كەلگەن كومەگىمىزدى بەرەمىز»، دەيدى ەگىندىبۇلاق ەلدى مەكەنىنىڭ تۇرعىنى ج.انيشوۆ.

«پارتيالىق ەمەس بايقاۋ ور­تالىعى» رەسپۋبليكالىق قو­عام­دىق بىرلەستىگىنىڭ اقتوبە وب­لىستىق فيليالىنىڭ تور­اعاسى ەرادىل ءۇببىنيازوۆتىڭ حابار­لاۋىنشا، اقتوبە وبلىسىندا ءوتىپ جاتقان اۋىل اكىم­دەرى سايلاۋىن 500-گە جۋىق باي­قاۋشى قاداعالادى. ولار­دىڭ ەڭ كوبى ايتەكە بي اۋدانىندا تىركەلىپتى. وسى اۋدانداعى جەتى وكرۋگ اكى­مى سايلاۋىن 150 بايقاۋشى قادا­عالاسا، باي­عانين مەن قوبدا اۋداندارىندا 80، وزگە اۋدانداردا 10-30 بايقاۋشىدان تىركەلگەن.

 

   اقتوبە وبلىسى

 

سوڭعى جاڭالىقتار

ۇقساس جاڭالىقتار