سپورت • 25 شىلدە، 2021

قورىقتى ۆەلوسيپەدپەن ارالايدى

31 رەت كورسەتىلدى

قوستانايلىق اۋەسقوي ۆەلوسپورتشىلار ناۋىرزىم قورىعىنا ۆەلوسيپەدپەن بارىپ قايتۋدى ءجون كورىپ وتىر. شارانى ۇيىمداستىرىپ جاتقان «قوستاناي ۆەلوقاۋىمداستىعى» قوعامدىق بىرلەستىگى توراعاسىنىڭ ورىنباسارى قانات ساعىمباەۆتىڭ سوزىنشە، ساياحاتشىلار ساپار بارىسىندا ۇزىنىرعاسى 440 شاقىرىمدى ءجۇرىپ وتپەك.

«قوستانايدىڭ ماڭايىنداعى كورىكتى جەرلەردىڭ كوبىن ارالادىق. ەندى شالعايدا جاتقان ناۋىرزىم قورىعىنا بارىپ قايتۋدى كوزدەپ وتىرمىز. الايدا بۇل ساياحاتقا ەكىنىڭ ءبىرى قاتىسا المايدى. ويتكەنى قورىق الىس، جول اۋىر، ءبىز ۆەلوسيپەدپەن عانا ءجۇرىپ وتىرامىز. سوندىقتان مۇنداي ساپارعا شىعاتىن ادامنىڭ ءتوزىمدى بولۋىمەن قاتار، ونىڭ كولىگى دە سەنىمدى بولۋى كەرەك. ەگەر سەندەرگە ىلەسە الامىن دەيتىندەر بولسا، ءبىز قارسى ەمەسپىز. تەك ناۋىرزىمعا دەيىن 200 شاقىرىمنان استام قاشىقتىقتى باسىپ ءوتىپ، ودان سوڭ قورىقتىڭ ىشىندە تاعى 200 شاقىرىم جول جۇرەتىنىمىزدى ەسكەرتەمىز»، دەدى ساياحاتتى ۇيىمداستىرۋشى.

ۆەلوساياحاتشىلار 31 شىلدەدە قوستانايدان شىعىپ، 1 تامىزدا ناۋىرزىمنىڭ تۇمسىعىنا ىلىگەمىز دەپ جوسپارلاپ وتىر. ولار قورىقتى ەكى كۇن بويى ارالاپ، بىرنەشە ەكومارشرۋت بويىنشا ءجۇرىپ وتپەك.

«بىزگە جولدان اۋەسقوي اۆتوجۇرگىزۋشىلەر دە قوسىلادى. قارامەڭدىگە جەتكەن سوڭ، جەرگىلىكتى تۇرعىندارمەن كەزدەسۋ وتكىزەمىز. اۋىل جاستارىن تۋعان جەردىڭ تامىلجىعان تۇمسا تابيعاتىن بىزبەن بىرگە تاماشالاۋعا شاقىرامىز»، دەدى ق.ساعىمباەۆ.

ۆەلوساياحات ناۋىرزىم مەملەكەتتىك تابيعي قورىعىنىڭ 90 جىلدىعىنا وراي ۇيىمداستىرىلىپ وتىر.

سوڭعى جاڭالىقتار

ەڭبەكپەن ەسەيگەن ەر

قازاقستان • كەشە

بەيتانىس ساعىنىش

الەم • كەشە

جالعىزدىق ارالى

كينو • كەشە

ەلوردادا قار جاۋادى

قازاقستان • كەشە

بۇگىن ماشينا جاساۋ كۇنى

قازاقستان • كەشە

سقو-دا جۇك كولىگى جىلۋ قۇبىرىنا سوعىلدى

ايماقتار • 25 قىركۇيەك، 2021

ۇقساس جاڭالىقتار