فوتو: جەڭىس ىسقاباي, Olympic.kz
– قۋانىشتى سەزىمدەمىن. بىراق مەن وليمپياداعا التىن مەدال ءۇشىن كەلىپ ەدىم. بۇيىرعانى وسى بولدى. ايتسە دە وكىنبەيمىن. سەبەبى جارتىلاي فينالداعى بەلدەسۋ فينالعا بەرگىسىز بولدى. تاكاتو وتە مىقتى بالۋان. ءبىربىرىمىزدى جاقسى بىلەمىز. وزدەرىڭىز كورگەندەي, شابۋىل جاسايمىن دەپ, «قاقپانعا» ءتۇسىپ قالدىم...
– ەندى وسىندا باسقا سپورتشىلارعا قولداۋ كورسەتەتىن بولارسىڭ؟
– وليمپيادانى ۇيىمداستىرۋ كوميتەتىنىڭ ەرەجەسى بويىنشا جارىستى اياقتاعاننان كەيىن مەن 48 ساعاتتا جاپونيادان شىعىپ كەتۋىم كەرەك. وكىنىشكە قاراي, وليمپيادا قالاشىعىندا جىگىتتەرگە قولداۋ كورسەتە المايمىن.
– گازەت وقىرماندارىنا, جانكۇيەرلەرىڭە قانداي تىلەك ايتاسىڭ؟
– ماعان قولداۋ كورسەتكەن باپكەرلەرىمە, اعالارىما مىڭ العىس ايتامىن. «وتان وتباسىنان باستالادى» دەيدى عوي. مەنىڭ جاناشىرىم – وتباسىما دا, حالقىما دا, بارلىعىنا مىڭ العىس. وليمپيادانىڭ العاشقى كۇنى جامان بولمادى دەپ ويلايمىن. وليمپيادادا قازاقستاننىڭ كوك تۋى جەلبىرەپ, ءانۇرانىمىز شىرقالا بەرسىن دەگىم كەلەدى.
– الداعى جوسپارىڭ قانداي؟
– قازىر ماعان دەمالىس كەرەك. ەمدەلىپ, قاتارعا قوسىلسام, پاريج وليمپياداسى تۋرالى ويلانۋعا بولادى. سايىسقا تۇسەتىن جىگىتتەرگە ساتتىلىك تىلەيمىن. مەن باعىندىرماعان بيىك بەلەستەردى باعىندىرسىن.
– ال ەگەر دە باعىندىرا الماي قالسا, نە بولماق؟ جاقسىلىق ۇشكەمپىروۆتىڭ ارمانى تاعى دا ورىندالماي قالايىن دەپ تۇر عوي...
– ەگەر دە جىگىتتەر التىن مەدالسىز قايتسا, وندا بەلدى بۋىپ كەلەسى وليمپياداعا بارۋعا دايىنمىن.
