ايماقتار • 24 شىلدە، 2021

اقتوبەنىڭ مۇعالىمدەرى تۇگەل ۆاكتسينا سالدىردى

1321 رەت كورسەتىلدى

اقتوبە وڭىرىندە مەديتسينالىق قارسى كورسەتكىشى جوق مەكتەپ مۇعالىمدەرى تۇگەلدەي ۆاكتسينا سالدىردى، دەپ حابارلايدى Egemen.kz inform.kz سايتىنا سىلتەمە جاساپ.

اقتوبە وبلىسى بويىنشا 460 مىڭ ادام ۆاكتسينا الۋى كەرەك. قازىرگى كەزدە 211 مىڭنان استامى ءبىرىنشى، ال 118 مىڭنان استامى كومپونەنتتىڭ ەكەۋىن دە قابىلداپ ۇلگەردى.

سولاردىڭ ىشىندە قۇقىق قورعاۋ ورگاندارى مەن مەديتسينا قىزمەتكەرلەرى تۇگەلدەي ۆاكتسينا سالدىردى. مەديتسينالىق تۇرعىدا كەرى كورسەتكىشى بار ازاماتتار يمممۋنداۋ جۇمىسىنان ۋاقىتشا شەتتەتىلدى.

«وبلىستاعى مەكتەپ مۇعالىمدەرى ۆاكتسيناتسيالاۋ جۇمىسى كەزىندە بەلسەندىلىك تانىتتى. ولار وزدەرىنە ارتىلعان جاۋاپكەرشىلىكتى جاقسى سەزىنەدى. ءارى وسى ارقىلى مەكتەپكە قايتا ورالىپ، ءداستۇرلى تۇردە ءبىلىم الۋعا مۇمكىندىك بار»، دەدى وبلىستىق ءبىلىم باسقارماسى باسشىسىنىڭ ورىنباسارى گۇلناز سۇلەيمەنوۆا.

اقتوبە وبلىسى بويىنشا 18 مىڭنان استام پەداگوگ جاڭا وقۋ جىلىنا دايىن. جاڭا وقۋ جىلىندا 10 مىڭنان استام بالا ءبىرىنشى سىنىپقا بارادى. قۇجات قابىداۋ ءراسىمى ءالى دە ءوتىپ جاتىر.

ء«بىز ءۇشىن بالانىڭ قاۋىپسىزدىگى ماڭىزدى. مەكتەپكە بارىپ، ونداعى جاعدايدى ءبىلدىم. مۇندا ارنايى QR كود ارقىلى مارتەبەنى انىقتاپ، بىلۋگە بولادى. كوروناۆيرۋس ينفەكتسياسىنا قاتىستى اقپاراتتى دا ۇلكەن ەكران ارقىلى بىلە الامىز»، دەيدى اقتوبەلىك تۇرعىن ايسۇلۋ ۋبايتجانوۆا.

اقتوبە وبلىسى بويىنشا بارلىق ەمحانا مەن ءىرى ساۋدا ورىندارىندا ۆاكتسيناتسيا پۋنكتەرى كەشكى 20:00-گە دەيىن جۇمىس ىستەيدى. وڭىردە يممۋنداۋ شاراسى جالعاسىپ جاتىر.

«اقتوبە وبلىسى بويىنشا ءبىز 460 مىڭ ادامدى قامتيمىز دەپ جوسپارلاپ وتىرمىز. ونىڭ ىشىندە 18 مىڭنان استامى پەداگوگ. قازىرگى كەزدە مۇعالىمدەر تۇگەل ۆاكتسينا سالدىردى. قازىر مەكتەپكە دەيىنگى مەكەمەلەر مەن ورتا ارناۋلى، جوعارى وقۋ ورىندارى قامتىلىپ جاتىر»، دەدى وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى بەكبولات ءىزباساروۆ.

سوڭعى جاڭالىقتار

دوللار قىمباتتادى

قارجى • بۇگىن، 15:52

ۇقساس جاڭالىقتار