ايماقتار • 23 شىلدە، 2021

شىمكەنت وندىرىستىك ينۆەستيتسياعا باسىمدىق بەرەدى

32 رەت كورسەتىلدى

شىمكەنت قالاسىنىڭ اكىمى مۇرات ايتەنوۆتىڭ جەتەكشىلىگىمەن ينۆەستيتسيالىق شتابتىڭ كەزەكتى وتىرىسى ءوتتى. ونلاين فورماتتا وتكەن جيىنعا سالالىق باسقارما باسشىلارى مەن اۋدان اكىمدەرى، ىسكەرلىك ورتا وكىلدەرى قاتىستى، دەپ جازادى Egemen.kz قالا اكىمىنىڭ ءباسپاسوز قىزمەتىنە سىلتەمە جاساپ.

جيىن بارىسىندا اگرويندۋستريالىق ايماقتى قۇرۋ جونىندەگى جۇمىستىڭ بارىسى، ينۆەستيتسيالىق جوبالاردىڭ تانىستىرىلىمى مەن ولاردى ىسكە اسىرۋ بارىسىنداعى ۇيىمداستىرۋشىلىق ماسەلەلەر، شتاب وتىرىستارىندا بەرىلگەن حاتتامالىق تاپسىرمالاردىڭ ورىندالۋى تالقىلاندى.   

1

قالا اكىمى م.ايتەنوۆ اگرويندۋستريالىق ايماق ورنالاساتىن اۋماقتىڭ ينفراقۇرىلىمدىق الەۋەتىن تولىق زەردەلەۋدى تاپسىردى. بەرىلەتىن ەلەكتر ەنەرگياسى قۋاتىن، سۋ كوزى قورىن ەسەپتەۋ بويىنشا ناقتى جۇمىستار اتقارىلۋى كەرەكتىگىنە كوڭىل ءبولدى. 

شتاب وتىرىسىندا قالالىق اۋىلشارۋاشىلىعى جانە ۆەتەريناريا باسقارماسى ۇسىنعان ينۆەستيتسيالىق جوبالار قارالدى. ونىڭ ىشىندە جىلىنا 50 ملن دانا جۇمىرتقا شىعارۋدى كوزدەپ وتىرعان «ايمار قۇس» جشس-نىڭ قۇس فابريكاسىن اشۋعا قاجەتتى ينفراقۇرىلىم تارتۋ ماسەلەسى ءسوز بولدى. جوبامەن مۇقيات تانىسقان قالا اكىمى م.ايتەنوۆ سالالىق باسقارما باسشىلارىنا ءتيىستى ۇسىنىستار ەنگىزۋ جونىندە تاپسىرما بەردى.

2

قۇس فابريكاسىن سالۋعا «شاعىر اگرو» كومپانياسى دا مۇددەلى. مۇندا جىلىنا 20 مىڭ توننا برويلەرلىك قۇس ەتى وندىرىلمەك. جوبانى ىسكە اسىرۋ ءۇشىن اۋماق جوسپارىنا وزگەرىس ەنگىزۋ قاجەت. قالا اكىمى م.ايتەنوۆ بۇل ماسەلە بويىنشا دا سالالىق باسقارماعا ماسەلەنى تولىق زەردەلەپ، ءتيىستى شەشىم قابىلداۋدى جۇكتەدى.

باسقارما ۇسىنىپ وتىرعان تاعى ءبىر جوبا – 600 باس ءىرى قاراعا ارنالعان ەت-ءسۇت فەرماسى. بۇل جوبا بويىنشا قالانىڭ باس جوسپارىنا سايكەس ناقتى شەشىم قابىلداناتىن بولادى.

جيىن بارىسىندا بىرقاتار ينۆەستيتسيالىق قۇرىلىس جوبالارىنىڭ دا تانىستىرىلىمى ءوتتى. ونىڭ ىشىندە «شىمكەنت اقپاراتتىق تەحنولوگيالار ۋنيۆەرسيتەتى» عىلىمي جانە ءبىلىم بەرۋ يننوۆاتسيالىق كەشەنىن سالۋ جوباسى ۇسىنىلدى. كەشەن اقپاراتتىق تەحنولوگيالار بويىنشا عىلىمي بازا رەتىندە جاساقتالىپ، لابوروتوريالىق زەرتحانالار اشىلماق. مۇندا 6 مىڭ ستۋدەنت ءبىلىم الىپ، جاتاقحانامەن قامتىلادى. كەشەندە 600 ادام ەڭبەك ەتەتىن بولسا، ونىڭ 400-دەن استامى – وتاندىق جانە شەتەلدىك عالىمدار بولادى دەپ جوسپارلانعان.

3

كەشەن جوباسىمەن ءجىتى تانىسقان قالا اكىمى م.ايتەنوۆ بۇل جوبانى قۇرىلىسى قارقىن العان تۇران شاعىن اۋدانىندا ورنالاستىرۋ مۇمكىندىكتەرىن قاراستىرۋدى تاپسىردى.

مەديتسينا قىزمەتكەرلەرىنە ارنالعان 12 قاباتتى تۇرعىن ءۇي قۇرىلىسىن جۇرگىزۋ ماسەلەسى دە شتاب وتىرىسىندا قارالىپ، قولداۋ تاپتى. تۇرعىن ءۇي كەلەسى جىلى العاشقى تۇرعىندارىن قابىلدايتىن بولادى.

«شىمكەنت سيتي» شاعىناۋدانىندا سالىناتىن 2 زاماناۋي جەكەمەنشىك مەكتەپ جوباسى دا قولداۋ تاۋىپ، قۇرىلىس جۇمىستارى جاقىن كۇندەرى باستالاتىن بولدى. وقۋ وردالارىنىڭ جالپى سىيىمدىلىعى 2200 وقۋشىعا ارنالعان.

شتاب بارىسىندا بيزنەس ساناتىنداعى 8 كوپقاباتتى تۇرعىن ءۇي جوباسى تانىستىرىلىپ، ماقۇلداندى. قۇرىلىس جۇمىستارىن وتاندىق جانە شەتەلدىك قۇرىلىس كومپانيالارى جۇرگىزەتىن بولادى. 

جيىندا، سونداي-اق، «تاسكەن» شاعىناۋدانىندا سالىناتىن 300 وقۋشىعا ارنالعان جەكەمەنشىك مەكتەپ پەن 500 ورىنعا ارنالعان جاتاقحانا جوباسى تانىستىرىلدى. ۇسىنىلعان نىساندار قولداۋ تاۋىپ، قۇرىلىسى دا جاقىن كۇندەرى باستالادى.

قالا باسشىسى م.ايتەنوۆ شىمكەنتتىڭ وركەندەۋىنە ينۆەستورلار قىزىعۋشىلىق تانىتىپ وتىرعانىن مالىمدەدى. بۇل، اسىرەسە، قۇرىلىس سالاسىنىڭ قارقىن الۋىنا نەگىز بولىپ وتىر. اكىم وسى ورايدا سالا جەتەكشىلەرىنە جەر ۋچاسكەسىن ءبولۋ كەزىندە قۇرىلىس جۇرگىزۋ قارقىنىن ەسەپكە الۋدى تاپسىردى. بولىنگەن جەر ۋچاسكەلەرى بەلگىلى مەرزىم ىشىندە يگەرىلمەسە، قايتارىپ الۋ جونىندە مەحانيزمدەر قالىپتاستىرۋدى جۇكتەدى.

4

كۇن تارتىبىندەگى ءۇشىنشى ماسەلە بويىنشا شتابتىڭ الدىڭعا وتىرىستارىندا بەرىلگەن حاتتامالىق تاپسىرمالاردىڭ ىشىندە 5 ماسەلە مەرزىمىندە ورىندالماعانى ايتىلدى. قالا اكىمى مەملەكەتتىك قۇرىلىم جەتەكشىلەرىنە بەرىلگەن تاپسىرمالاردىڭ بارلىعى مەرزىمىندە ءارى ساپالى ورىندالۋى كەرەكتىگىنە نازار اۋدارىپ، ەكونوميكاعا ينۆەستيتسيا تارتۋ ماسەلەسى جايباراقاتتىلىقتى كوتەرمەيتىنىن مالىمدەدى. الداعى اپتادا ينۆەستيتسيا بويىنشا جۇمىس جيىنى وتەتىنىن حابارلاپ، سالاداعى وزەكتى ماسەلەلەردى تاعى ءبىر مارتە پىسىقتاۋ كەرەكتىگىن ەسكەرتتى.       

شتاب وتىرىسىن قورىتىندىلاعان قالا باسشىسى م.ايتەنوۆ شىمكەنتتىڭ زاماناۋي مەگاپوليس رەتىندە قالىپتاسۋى ينۆەستيتسيا ارقىلى جۇزەگە اساتىنىن جەتكىزدى. ينۆەستورلار تارتۋ ارقىلى قالا ەكونوميكاسى سەرپىن الادى. ينۆەستيتسيا تارتۋعا جاۋاپتى قۇرىلىمدار قۇرىلىس نارىعىمەن شەكتەلىپ قالماي، وندىرىستىك جوبالاردى ىزدەستىرۋدە بەلسەندىلىك تانىتۋى كەرەك ەكەنىن ەسكە سالدى. ءوندىرىس ورىندارىن اشۋ ارقىلى تۇراقتى جۇمىس ورىندارى اشىلىپ، ەكونوميكا ۇلەسىندە جەرگىلىكتى تاۋار ۇلەسى ارتاتىنىن، قالا تۇرعىندارىنىڭ تۇرمىستىق احۋالى جاقساراتىنىن مالىمدەدى. بارلىق سالا جەتەكشىلەرىن وسى باعىتتا ناتيجەلى جۇمىس جۇرگىزۋگە شاقىردى.

سوڭعى جاڭالىقتار

مارافون نەسىمەن ماڭىزدى؟

الەم • 26 قىركۇيەك، 2021

تاعدىرى تەمىردەي شىڭداعان قايراتكەر

قازاقستان • 26 قىركۇيەك، 2021

شەكتەۋدە شيرىققان شاعىن بيزنەس

بيزنەس • 26 قىركۇيەك، 2021

پياندج وزەنىندەگى ەرلىك

تاريح • 26 قىركۇيەك، 2021

ەڭبەكپەن ەسەيگەن ەر

قازاقستان • 26 قىركۇيەك، 2021

بەيتانىس ساعىنىش

الەم • 26 قىركۇيەك، 2021

Astana Open ءتۋرنيرى اياقتالدى

سپورت • 26 قىركۇيەك، 2021

شەكاراشىلار ەليتالىق اسكەر بولسا...

قازاقستان • 26 قىركۇيەك، 2021

ۇلىبريتانيادا تانىستىرىلادى

وقيعا • 26 قىركۇيەك، 2021

وبلىس ورتالىعىنىڭ دەنى اۋىز سۋسىز وتىر

ايماقتار • 26 قىركۇيەك، 2021

مۇراعاتتاردىڭ ءحالى مۇشكىل

قوعام • 26 قىركۇيەك، 2021

نۇر-سۇلتان اۋەجايىندا ءتۇتىن شىقتى

ەلوردا • 26 قىركۇيەك، 2021

جالعىزدىق ارالى

كينو • 26 قىركۇيەك، 2021

تەننيس: Astana Open ءتۋرنيرى اياقتالدى

سپورت • 26 قىركۇيەك، 2021

ەلوردادا قار جاۋادى

قازاقستان • 26 قىركۇيەك، 2021

بالالار الاڭىنداعى تج: بالا ەسىن جيدى

ايماقتار • 26 قىركۇيەك، 2021

قاراعاندى-بالقاش تاس جولى جوندەلۋدە

ايماقتار • 26 قىركۇيەك، 2021

الماتىدا كىتاپ فەستيۆالى ءوتىپ جاتىر

ايماقتار • 26 قىركۇيەك، 2021

ماسكەۋدە جەتى جۇلدە الدىق

سپورت • 26 قىركۇيەك، 2021

ەلوردادا Astana Marathon-2021 ءوتىپ جاتىر

ەلوردا • 26 قىركۇيەك، 2021

بۇگىن ماشينا جاساۋ كۇنى

قازاقستان • 26 قىركۇيەك، 2021

قىزىلوردا وبلىسى «جاسىل» ايماققا ءوتتى

كوروناۆيرۋس • 26 قىركۇيەك، 2021

قانشا قازاقستاندىق ۆاكتسينا سالدىردى؟

كوروناۆيرۋس • 26 قىركۇيەك، 2021

قازاقستاندا ەڭبەك كۇنى اتاپ وتىلەدى

قازاقستان • 26 قىركۇيەك، 2021

سقو-دا جۇك كولىگى جىلۋ قۇبىرىنا سوعىلدى

ايماقتار • 25 قىركۇيەك، 2021

ۇقساس جاڭالىقتار