«اتىراۋ قالاسىندا 21 جاستاعى بويجەتكەن بىرنەشە رەت وزىنەن ەكى جاس كىشى ازاماتتان اقشا بوپسالاعان. بويجەتكەن جىگىتتەن 2 ملن تەڭگە العان. كەيىن ودان 1 ملن 540 مىڭ تەڭگەنى تالاپ ەتكەن. جاس جىگىت پوليتسياعا حابارلاسىپ, كومەك سۇرادى. ونىڭ ايتۋىنشا, ازاماتشا ونى «زورلاۋ» دەرەگىمەن ۇستىڭنەن قىلمىستىق ءىس قوزعاتامىن دەپ قورقىتىپ كەلگەن. الايدا جاس جىگىت جىنىستىق قاتىناس ەكى جاقتى كەلىسىممەن بولدى دەپ اقتالعان. ەكەۋى ارىپتەس بولعان. ول ءوزىن بوپسالاۋ جولىمەن اقشا تالاپ ەتىپ جۇرگەن بويجەتكەندى شىمكەنت قالاسىندا تۇراتىن اتا-اناسىمەن تانىستىرعان», دەپ حابارلادى دەپارتامەنتتىڭ ءباسپاسوز قىزمەتى.
ەكسترەميزمگە قارسى ءىس-قيمىل باسقارماسىنىڭ قىزمەتكەرلەرى كۇدىكتى بويجەتكەندى شىمكەنتتىك ازاماتتان 500 مىڭ تەڭگە كولەمىندە اقشا الىپ جاتقان كەزدە ۇستادى. تەكسەرۋ كەزىندە ازاماتشانىڭ دەسترۋكتيۆتى ءدىني اعىم وكىلى ەكەنى انىقتالدى.
قازىر 2000 جىلى تۋعان بويجەتكەنگە قاتىستى قر قىلمىستىق كودەكسىنىڭ 194-بابىنىڭ 1-بولىگىمەن سوتقا دەيىنگى تەرگەۋ باستالدى.
