جىلۋمەن جابدىقتاۋ قىزمەتتەرىن كورسەتەتىن تابيعي مونوپوليا سۋبەكتەلەرىنىڭ جىلۋ ەنەرگياسىمەن جابدىقتاۋ قىزمەتىنىڭ قۇنىن قايتا ەسەپتەۋ ءۇشىن تالداۋ جۇرگىزىلگەن. وسى ماقساتتا سىرتقى اۋانىڭ ناقتى تەمپەراتۋراسى ەسكەرىلگەن.
«وتكەن جىلىتۋ كەزەڭىندە سىرتقى اۋانىڭ ناقتى جوعارى تەمپەراتۋراسىنىڭ ناتيجەسىندە تۇتىنۋشىلارعا 2020-2021 جىلعى جىلۋ ماۋسىمى ءۇشىن 5 تابيعي مونوپوليا سۋبەكتىسى («جىلىوي سۋ» مكك, «قامىسقالا سۋ ارناسى» جشس, «قالانىڭ تۇرعىن ۇيلەرىنە كوممۋنالدىق قىزمەت كورسەتۋ» جشس, «اتىراۋ وبلىسى سۋ ارناسى» كمك, «اتىراۋ جىلۋ ەلەكتر ورتالىعى» اق) بويىنشا جالپى سوماسى 1 074 452,3 تەڭگەنىڭ (قوسىمشا قۇن سالىعىنسىز) قايتا ەسەپتەۋى جاسالدى. ونىڭ ىشىندە «اتىراۋ جىلۋ ەلەكتر ورتالىعى» اق جالپىۇيلىك جىلۋ ەسەپتەۋ اسپابىنسىز – 313 734,28 تەڭگە, ەسكى, اپاتتى ۇيلەردە – 177 139,0 تەڭگە, «قالاداعى تۇرعىن ۇيلەرگە كوممۋنالدىق قىزمەت كورسەتۋ» جشس – 187 287,1 تەڭگە, «اتىراۋ وبلىسى سۋ ارناسى» كمك – 103 552,0 تەڭگە, «جىلىوي سۋ» مكم – 43 128,1 تەڭگە, «كامىسكالا سۋ ارناسى» جشس-دە 249 611,8 تەڭگەنى قۇرادى. ال, جالپىۇيلىك جىلۋ ەسەپتەۋ اسپابىن قولدانۋعا كوشكەن تۇتىنۋشىلار تولەمدەردى جىلۋ ەنەرگياسىنىڭ ناقتى پايدالانعان كولەمى بويىنشا جۇرگىزەدى. بۇل تۇتىنۋشىلارعا قايتا ەسەپتەۋدى جۇرگىزۋ قاجەتتىلىگى جوق», دەلىنگەن تابيعي مونوپوليالاردى رەتتەۋ كوميتەتى وڭىرلىك دەپارتامەنتىنىڭ اقپاراتىندا.
