ءىس ماتەريالدارىنا سايكەس, اقسۋ قالاسىنداعى كافەلەرىنىڭ بىرىندە ەر ادامدار اراسىندا قاقتىعىس بولعان. دەمالۋشىلاردىڭ ءبىرى ەكىنشىسىن اعاسىن ءولتىردى دەپ ايىپتاعان, الايدا بۇل ءىس بويىشا سوت بولىپ كەتكەن, قىلمىستى دەپ تانىلعاندار جازاسىن كولونيادا وتەپ بولعان.
قاقتىعىس بارىسىندا ەر ادام قارسىلاسىن بىرنەشە رەت ۇرىپ, جانىنداعىلارمەن بىرگە دالاعا الىپ شىعادى. كەيىن كولىكتىڭ جۇك سالعىشىنا سالىپ, قايتىس بولعان اعاسىنىڭ مايسكي اۋدانىنداعى زيراتىنا الىپ كەلگەن. مۇندا ۇرلانعان ادام سوققىعا توتەپ بەرە الماي, مەرت بولادى.
بۇل قىلمىسقا قاتىسۋشىلاردىڭ ءبىرى 2019 جىلدىڭ ساۋىرىندە 18 جىلعا باس بوستاندىعىنان ايىرىلدى. باسقاسى قاشىپ كەتتى, وعان قارسى ءىس بولەك سوت ىسىنە ءبولىندى. الايدا, 2021 جىلى 10 اقپاندا ۇستالىپ, قاماۋعا الىندى. سوتتا سوتتالۋشى تەك ۇرلاۋ بويىنشا كىناسىن مويىندادى, كىسى ولتىرۋدەگى كىناسىن مويىندامادى.
ءىستى پاۆلودار وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى قارادى.
سوتتالۋشىنىڭ كىناسى جاۋاپ الىنعان كۋالاردىڭ ايعاعىمەن, سوت ساراپتامالارىنىڭ قورىتىندىسىمەن, قۇجاتتىق جانە زاتتاي دالەلدەرمەن دالەلدەندى. ماس كۇيىندە قىلمىس جاساعانى جاۋاپكەرشىلىكتى اۋىرلاتاتىن ءمان-جاي دەپ تانىلىپ, كامەلەتكە تولماعان بەس بالاسىنىڭ بولۋىمەن جازا جەڭىلدەتىلەتىن بولدى.
القابيلەردىڭ ۇكىمىمەن ەر ادام وزىنە تاعىلعان ايىپتار بويىنشا كىنالى دەپ تانىلىپ, 16 جىلعا باس بوستاندىعىنان ايىرىلدى. جابىرلەنۋشى تاراپ بۇل ۇكىمدى تىم جەڭىل دەپ اتادى.
ۇكىم زاڭدى كۇشىنە ەنگەن جوق.
