2021 جىلى 8 شىلدە كۇنى ماڭعىستاۋ وبلىسى پد ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى اقتاۋ قالاسىنىڭ اۋماعىندا جەدەل-ىزدەستىرۋ ءىس-شارالارىن جۇرگىزۋ بارىسىندا, جالپى سالماعى 50 گرامم «مەفەدرون» ەسىرتكى زاتتارىن ساتقانى ءۇشىن اقتوبە قالاسىنىڭ تۇرعىنىن ۇستادى.
ۇستالعان ازاماتشاعا قاتىستى تەرگەۋ ورگاندارى قازاقستان رەسپۋبليكاسى قىلمىستىق كودەكسىنىڭ 297-بابى 3-بولىگى (ەسىرتكى, پسيحوتروپتىق زاتتاردى, سول تەكتەستەردى وتكىزۋ ماقساتىندا زاڭسىز دايىنداۋ, قايتا وڭدەۋ, يەمدەنۋ, ساقتاۋ, تاسىمالداۋ, جونەلتۋ نە وتكىزۋ) بويىنشا سوتقا دەيىنگى تەرگەۋدى باستادى.
