مەملەكەت باسشىسىنىڭ تاپسىرماسى اياسىندا, قر ەڭبەك جانە حالىقتى الەۋمەتتىك قورعاۋ مينيسترلىگى, مۇگەدەكتىگى بار ادامدارعا قاتىستى كەمسىتۋشىلىكتى جويۋعا باعىتتالعان «مۇگەدەكتەردىڭ قۇقىقتارى تۋرالى كونۆەنتسياعا فاكۋلتاتيۆتىك حاتتامانى راتيفيكاتسيالاۋ تۋرالى» زاڭ جوباسىنا قاتىستى جۇمىس جۇرگىزۋدە.
بۇل قۇجات قازاقستان 2015 جىلعى 20 اقپاندا راتيفيكاتسيالاعان بۇۇ مۇگەدەكتەردىڭ قۇقىقتارى تۋرالى كونۆەنتسياسىنا قوسىمشا كەلىسىم بولىپ تابىلادى.
كونۆەنتسياعا سايكەس, ونى راتيفيكاتسيالاعان مەملەكەتتەر مۇگەدەكتىگى بار ادامداردىڭ جەتكىلىكتى ءومىر ءسۇرۋ دەڭگەيىن قامتاماسىز ەتۋ جانە ولاردى الەۋمەتتىك قورعاۋ ءۇشىن بارلىق شارالاردى, ونىڭ ىشىندە زاڭنامالىق شارالاردى قابىلداۋى ءتيىس.
قازىرگى ۋاقىتتا زاڭ جوباسى مەملەكەتتىك ورگانداردا كەلىسۋ راسىمىنەن وتۋدە.
«فاكۋلتاتيۆتىك حاتتامانى راتيفيكاتسيالاۋ قازاقستان رەسپۋبليكاسىنىڭ ازاماتتارىنا وزدەرىنىڭ ەكونوميكالىق, الەۋمەتتىك جانە مادەني قۇقىقتارىن حالىقارالىق قورعاۋعا قۇقىق بەرەدى. حاتتاما كونۆەنتسيادا بەكىتىلگەن وسى قۇقىقتار بۇزىلعان جاعدايدا جەكە شاعىمداردى قاراۋ تەتىگىن بەلگىلەيدى. وسىعان ۇقساس تەتىكتەر ازاماتتىق جانە ساياسي قۇقىقتار تۋرالى حالىقارالىق پاكتىدە, ايەلدەرگە قاتىستى كەمسىتۋشىلىكتىڭ بارلىق ءتۇرىن جويۋ تۋرالى كونۆەنتسيادا جانە ناسىلدىك كەمسىتۋشىلىكتىڭ بارلىق ءتۇرىن جويۋ تۋرالى كونۆەنتسيادا كوزدەلگەن», دەپ اتاپ ءوتتى قر ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ەرلان اۋكەنوۆ.
فاكۋلتاتيۆتىك حاتتامانى راتيفيكاتسيالاۋ كەزىندە تاراپتار بۇۇ جانىنداعى مۇگەدەكتىگى بار ادامداردىڭ قۇقىقتارى جونىندەگى كوميتەتتىڭ كونۆەنتسيا بويىنشا ءوز قۇقىقتارىنىڭ بۇزىلعانىن مالىمدەيتىن جەكەلەگەن ادامداردىڭ نەمەسە توپتاردىڭ شاعىمدارىن قاراۋ قۇزىرەتىن تانۋعا كەلىسەدى. كوميتەت قاتىسۋشى مەملەكەتتەن اقپارات سۇراتا الادى جانە وعان ۇسىنىمدار بەرە الادى. بۇدان باسقا, تاراپتار كوميتەتكە كونۆەنتسيادا بەكىتىلگەن قۇقىقتاردىڭ «ەلەۋلى نەمەسە جۇيەلى بۇزىلۋىن» تەكسەرۋگە, ولار تۋرالى حابارلاۋعا جانە ۇسىنىمدار بەرۋگە رۇقسات ەتۋى مۇمكىن.
زاڭ جوباسىن قابىلداۋ تەرىس الەۋمەتتىك-ەكونوميكالىق جانە قۇقىقتىق سالدارعا اكەپ سوقتىرمايدى, سونداي-اق رەسپۋبليكالىق بيۋدجەتتەن قوسىمشا قارجىلىق شىعىنداردى تالاپ ەتپەيدى.
ەسكە سالا كەتسەك, 2006 جىلعى 13 جەلتوقساندا, بارلىق مۇگەدەكتەردىڭ بارلىق ادام قۇقىقتارى مەن نەگىزگى بوستاندىقتارىن تولىق جانە تەڭ جۇزەگە اسىرۋىن كوتەرمەلەۋ, قورعاۋ جانە قامتاماسىز ەتۋ, سونداي-اق ولارعا ءتان قادىر-قاسيەتتى قۇرمەتتەۋدى كوتەرمەلەۋ ماقساتىندا مۇگەدەكتەردىڭ قۇقىقتارى تۋرالى كونۆەنتسيانى جانە مۇگەدەكتەردىڭ قۇقىقتارى تۋرالى كونۆەنتسياعا فاكۋلتاتيۆتىك حاتتامانى بۇۇ باس اسسامبلەياسىقابىلداعان بولاتىن.
قازىرگى ۋاقىتتا 97 مەملەكەت كونۆەنتسياعا قاتىسۋشى بولىپ تابىلادى, ولاردىڭ ىشىندە تاياۋ شەت ەلدەر – ءازىربايجان, ارمەنيا, موڭعوليا جانە ۋكراينا.
