ايماقتار • 22 شىلدە، 2021

الماتىدا ىندەتتىڭ ورشۋىنە بايلانىستى شەكتەۋ شارالارى كۇشەيتىلەدى

143 رەت كورسەتىلدى

الماتىدا ىندەتكە شالدىققاندار 4 ەسە كوبەيگەندىكتەن، قوسىمشا شەكتەۋ شارالارى ەنگىزىلمەك. بۇگىن الماتى قالاسى اكىمىنىڭ ورىنباسارى ەرجان باباقۇماروۆتىڭ توراعالىعىمەن وتكەن كوروناۆيرۋس ينفەكتسياسىنىڭ تارالۋىنىڭ الدىن الۋ جونىندەگى قالالىق شتابتىڭ وتىرىسىندا مەگاپوليستە قوسىمشا شەكتەۋ شارالارىن ەنگىزۋ تۋرالى ماسەلە قارالدى، دەپ جازادى Egemen.kz.

اۋماقتىق سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى، الماتى قالاسىنىڭ باس مەملەكەتتىك سانيتارلىق دارىگەرى جانداربەك بەكشين شىلدەنىڭ 3 اپتاسىندا كوروناۆيرۋستىق ينفەكتسيانىڭ 12 مىڭنان استام جاعدايى تىركەلگەنىن ايتتى، بۇل ماۋسىم ايىنىڭ وسى كەزەڭىندەگى كورسەتكىشتەردەن 4 ەسە جوعارى. دەمەك، قوعامدا COVID-19-دىڭ تارالۋ قارقىنى جوعارى، سوندىقتان قاتاڭ شەكتەۋ شارالارى ەنگىزىلۋى ءتيىس.

بۇگىندە ينفەكتسيا جۇقتىراتىن نەگىزگى ورىندار: بازارلار، قوعامدىق كولىكتەر، مەيرامحانالار، كافەلەر، بارلار، ادامدار كوپ جينالاتىن ساياباقتار مەن جاياۋ جۇرگىنشىلەر كوشەلەرى بولىپ تۇر.

ەپيدەميولوگتاردىڭ ايتۋىنشا، بازارلاردا دەرت جۇقتىرۋ 10%-دان 15،9%-عا دەيىن، ساۋدا نىساندارىندا 31%-دان 39،7%-عا دەيىن، دەمالىس ساياباقتارىندا جانە جاياۋ جۇرگىنشىلەر كوشەلەرىندە ­– 1،2%-دان 5%-عا دەيىن وسكەن. سوندىقتان مەكەمەارالىق كوميسسيانىڭ ۇسىنىسى بويىنشا كوروناۆيرۋس ينفەكتسياسىنىڭ تارالۋىن بولدىرماۋ ءۇشىن شەكتەۋ شارالارىن كۇشەيتۋ جوسپارلانىپ وتىر. اتاپ ايتقاندا، نىسانداردىڭ جۇمىستارىنا بارىنشا قاتاڭ شەكتەۋلەر  قويۋ جوسپارلاندى. قالانىڭ باس مەملەكەتتىك سانيتارلىق دارىگەرىنىڭ قاۋلىسىنا جاقىن ارادا ءتيىستى تولىقتىرۋلار مەن وزگەرىستەر ەنگىزىلەدى ءارى جاريالاناتىن بولادى.

سونىمەن قاتار، كارانتيندىك شارالاردىڭ ساقتالۋىن باقىلاۋ جونىندەگى مونيتورينگتىك توپتاردىڭ جۇمىسى تۋرالى ماسەلە قارالدى. بۇگىندە الماتىدا 40 مونيتورينگ توبى جۇمىس ىستەيدى. شىلدە ايىنىڭ باسىنان باستاپ 278 كوشپەلى ءىس-شارالار وتكىزىلدى، 2733 وبەكتى قامتىلدى، 245 بۇزۋشىلىق انىقتالدى. زاڭدى جانە جەكە تۇلعالارعا 173 حاتتاما جاسالدى. اكىمنىڭ ورىنباسارى ەرجان باباقۇماروۆ Ashyq-تا جۇمىس ىستەيتىن نىساندار اراسىندا ءتارتىپ بۇزۋشىلاردى انىقتاۋ جۇمىستارىن كۇشەيتۋدى جانە قوعامدىق ورىندارعا «قىزىل مارتەبەمەن» بارعانداردى جاۋاپكەرشىلىككە تارتۋدى تاپسىردى. بۇدان وزگە، ءموبيلدى مونيتورينگتىك توپتاردىڭ جۇمىسىن InfoKazakhstan ەلەكتروندى پلاتفورماسىنا تىركەۋ ارقىلى جاڭا جۇمىس فورماتىنا كوشىرۋ تۋرالى تاپسىرمالار بەرىلدى.

ايتا كەتەرلىگى، قولدانىستاعى شەكتەۋلەردى كۇشەيتۋ ينفەكتسيانىڭ جاپپاي تاراۋىنىڭ الدىن الۋعا باعىتتالعان، بۇل دەنساۋلىق ساقتاۋ جۇيەسىنە رەسۋرستاردى ءتيىمدى بولۋگە جانە ساپالى مەديتسينالىق قىزمەت كورسەتۋگە، توسەك ورىندار مەن مەديتسينا پەرسونالىنىڭ تاپشىلىعىن بولدىرماۋعا مۇمكىندىك بەرەدى.

ينفەكتسيا وتباسىلىق بايلانىستاردا 17،7%-دان 19،4%-عا دەيىن وسكەن. سوندىقتان قالالىقتارعا كوروناۆيرۋس ينفەكتسياسىنا قارسى ۆاكتسينا الۋ قاجەت، بۇل تۇرعىنداردىڭ دەنساۋلىعىن قورعايدى جانە جاقىن ادامداردى دەرتتەن ساقتايدى.

«قالادا ەپيدەميالىق احۋال كۇرت ۋشىقتى. COVID-19-دىڭ «دەلتا» شتامىن جالعاسىپ جاتىر. قالادا دەنساۋلىقتى ساقتاۋ مەن ەپيدەميانىڭ الدىن الۋدىڭ جالعىز جولى – تەك ۆاكتسينالانۋ. سونداي-اق ءبارىمىز بەتپەردە رەجيمىن جانە الەۋمەتتىك اراقاشىقتىقتى ساقتاۋعا ءتيىسپىز»، ­­دەدى ەرجان باباقۇماروۆ. ول ەكپە سالدىرۋ، بەتپەردە رەجيمى مەن الەۋمەتتىك اراقاشىقتىقتى قاتاڭ ساقتاۋ ەپيدەميانىڭ ءورشۋى كەزىندە وتە ماڭىزدى ەكەنىن اتاپ ءوتتى.

قالالىقتاردىڭ دەنساۋلىعىن قورعاۋدى قامتاماسىز ەتۋ ءۇشىن ۇجىمدىق يممۋنيتەتتى قالىپتاستىرۋ جۇمىستارى جالعاسۋدا. بۇگىندە الماتىدا 665 مىڭ ادام ءبىرىنشى كومپونەنتپەن ۆاكتسينالاندى. قالادا مەديتسينالىق ۇيىمداردا، مەكتەپتەردە، مادەني جانە سپورتتىق مەكەمەلەردە، بازارلاردا جانە قالانىڭ سوسو 212 ۆاكتسينا سالۋ پۋنكتتەرى جۇمىس جاساپ وتىر.

سوڭعى جاڭالىقتار

15169 ادام كوروناۆيرۋس جۇقتىردى

كوروناۆيرۋس • كەشە

ۇقساس جاڭالىقتار